• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : بالحلم شفت الحقيقة .
                          • الكاتب : فلاح السعدي .

بالحلم شفت الحقيقة

بالحلم شفت الحقيقة
شفت أبني اويه صديقة
ينظر الأرض العراق
وينظر الماي الفرات
ويريد يروي ارض العراق ابأي طريقة
سأل ابني أب صديقة...
كال عمي اشلون كلي أي طريقة...؟
رد عليه وكال ابني...!
اتريد تروي ارض العراق...؟
جاوب أي...أرويه وبماي الفرات
رد عليه اوكال اسمع
لو رويت ارض العراق
لازم اتقدم عريضة
والعريضة اتروح تصعد للوزير
والوزير ايصيح ربعة باجتماع
وبنقاشاتٍ طويلة
يطلعون ابلا قرار
وبعد فترة تنفضح هاي الحقيقة
عدنا نهر اسمه الفرات
بس ما يكفي للحديقة...!!!
لأن باقي امنالنهر
مقدار حصة كم لتر...!؟
والباقي منه انطاك طولة العمر...
ياحسافة انباك مي هذا النهر
ونسرقت اوياه الحقيقة
ورجع ابني بالحلم وية صديقة
رجع حزنان ومريض
واعتزل كل اللعب حتى فريقة
جلس وحدة ايفكر بأرض العراق...
اشلون تحيا اشلون تروى...؟
اشلون نبدي من جديد ابلا مشاق...؟
والفجر... نادى  المؤذن..
الله أكبر...
جفل ابني وصاح صبرا
الله أكبر ياعراق
الله أكبر ياعراق
 


كافة التعليقات (عدد : 1)


• (1) - كتب : عبدالصمد السويلم من : العراق ، بعنوان : من وحي الحديقة في 2011/04/08 .

خويه
السلام عليكم
مايمك كلاص ماي بروح ابوك عندنا فرخ عطشان
بالحلم شفت الحقيقة وماكو مي اسقي الحديقة
هي هاي الحقيقة اللي تعبوا العرفاء حتى يوصلوها
عجيب
تصبح على ماي قصدي على خير





  • المصدر : http://www.kitabat.info/subject.php?id=4704
  • تاريخ إضافة الموضوع : 2011 / 04 / 07
  • تاريخ الطباعة : 2022 / 08 / 17