بمناسبة مولد الامام الحجة , عجل الله فرجه القريب
عباس طريم

صلوات الله وسلم عالرسول  ... اليوم ميلاد الحبيب

المنتظر

اليوم ابن حيدر وابن زهره البتول... هل مثل ميهل عله الدنيه الكمر

اليوم ميلاد الفحل وابن الفحول ... الخير ميلاده مثل خير المطر

اليوم يرتاح الموالي , والعذول ... يشعر ابخذلان وابضيج اوكدر

اليوم كلمن يسأل الباري ينول ... ويحظه هذه اليوم بمراده النذر

سيدي.. كل شر عن العالم يزول ... وما يظل للظلم والشر , اي اثر

من تجينه وتهدي للحك العقول ... وتغسل اثام الموالي بالنهر

انت يامولاي اشبه بالرسول ... اللي العدالة ايقيمهه بين البشر

من اعالي اجبالهه وكل السهول ... والشجر والبحر والمي والحجر

والمزارع والصحاري والتلول ... والشوارع والبراري والشجر

تحاول بكل جهد واتريد الوصول... الحيدر اتهنيه بمهدي المنتظر

ماكو شي ما بينه وبينه يحول ... انشوفه بالاحساس مو بس بالنظر

من يجي المهدي عله المهره يصول .. يدك حصون الظلم ويهد كل شر

يملك اسباب الوسائل والحلول ... لكل مشاكل ناسنه اوكل البشر

سيدي العالم بما يملك خجول ... يوكف اكبالك مطأطأ 

    بالنظر

انت ميزان العدل وانته الاصول.. وهاي ارادة ربك وهو الامر

حاضرين انضحي بس امر وكول.. سيدي يا ابن بت خير البشر

كول نركضلك مثل ركض الخيول.. محزمين الكل ولا يبقه نفر

للرضى نسعه .. اونطمح للقبول ... لطاعة  الله ! وطاعتك يالمنتظر

الموضوع السابق استقصاء أثر المعنى تقنية الأنسنة في مجموعة (أيها الصبح تنفس) أنموذجاً

قناتنا على التلغرام : https://t.me/kitabat