رواية من زمن العراق ١١ حفلة تعارف..
وليد فاضل العبيدي

تحدد موعد ١٥من شهر تشرين الثاني في تلك السنة من العقد التسعيني البائس موعدا لحفلة تعارف وفرصة طيبة للتقارب بين النثايا والفحلة الراغبين بانشاء علاقة مفتاحها نظرة خجولة امام جمع غفير من الحاضرين ..

عادة دارجه في الجامعات العراقية وهي خاصة بالطلبة المقبولين الجدد ان ينظم لهم الاتحاد الوطني لطلبة العراق حفلة تعارف تجمع فلوسه على الروس ..

هي تقليد  منقول من المجتمع الاشتراكي و وفرغ من محتواه واحتفظ بشكليته فقط..

اصبح فرصة سانحة لكسب الرزق للمنظمين وتقارب للعاشقين وجلسات اختيار للطلبة المترفين.

الموقف النفسي :

الشباب الجدد يفكرون بطريقة الاتكيت والاحترام المتبادل لبناء علاقة جادة وبعضهم راديكالي محافظ لايحبذ حضور هذه المناسبات واخرين يرغبون بفگ ريجهم بنثية نموذجية شهباء فاقع لونها تسر الناضرين يقتادها من بين عشرات الحاضرين الى برجه النرجسي.

واخرين لايهمهم الا التلصص وانتظار   اقدامها لفك عقدة من لسانه ليتفقهوا قوله...

هكذا كانت حفلات التعارف بخباياها وبراءتها وتقاطعاتها مع عنفوان الشباب..

واخيرا ...

وصلنه ليوم التعارف شو هذولة دك ورگص وطك اصبعتين وكأنهم يعرفون بعضهم من ايام العمنبة ام الشريس..

صافنين عليمن نتعارف شو كل زوج بزوية وياهو المفگر تفاتحه تلاكيها عابرة النص او قاطعة علاقة قبل برهة من انطلاق الحفل ومجروحة لان خانها او لم يستطع خبطتها لقلة ذات اليد .

 اما نحن الثلة المكونة من خمس ذكور مثل مادخلنه خرجنه لاتعرفوا علينه ولاتقربوا من عدنه لأن مو ثوبنه واعتبرونه مخاتير دفعة والتزمنه بالحياد لغاية التخرج والرايح والجاي يسئلنه ويطلب شهادتنه لام ما مجروحين واحنه نحمس بروحنه ...

شگد عيب ماعدنه تجارب وفاتتنه اشياء كثيرة .

ان شرط التعارف ان تنعزل بنثية وتضل تقرالها مثل البلبل ولمدة اسبوع وبعدين تخرج السالفة للعلن ..

رباط السالفة ...

الجواب ايبين من عنوانه ميحتاج مقدمات وسوالف كلها مفهومة وماكو داعي لواكة ودموع ورعونة  واتسوي حالك مثل مساح الخرگ حتى تعطف عليك..

ترى هيه هماتين تريد فرصة وخلوة حتى  تتعرف مو بس انته ...

اكتب قولي هذا مع انخفاض في درجات الحرارة في محافظة بغداد وضوايحها.

 

الموضوع السابق يوم حلمت ويوم عشقت ويوم عدت قصيدة

قناتنا على التلغرام : https://t.me/kitabat