بويه اشمالكم , يهل السياسه
طكه وطيح , صارت
عالرياسه
+
حنان اتصيح جيبوا ابطالة الماي
وطكت حيدر عبادي
ابراسه
+
وسليم ايصيح باقي , وعاليه اتصيح
وبوجهه رمت كل
الجياسه
+
وهيثم صاح , اخواني النواب
اكو مجموعه علستكم
اعلاسه
+
جنه مو صدك , مجلس النواب
واحدهم ايهد اوبيده
فاسه
+
والعسكر دخل , ويصيح ياقوم
الرئيس اهنا , ويتكطع
الجاسه
+
اجلاب اوياهم , اوصاحوا عله الناس
هاي اجلاب , متعض
للحراسه
+
وعلاوي اجه الحيدر ايهديه
وكله اتساهل , ومن راسه
باسه
+
والصيادي بيده ايصور الجيش
ويكول الحرب , دكت
اجراسه
+
ما جنه شريك , وي اليثردون
يتفاعل ويحجي ابكل
حماسه
+
اذا هايه ثقافتكم يلحباب
جا وين العقل , وين
الدراسه؟
+
اريد اليوم اهنيكم ينواب
العراق ابجالكم اعلن
افلاسه
+
بغداد وصفت , بس كومة اوساخ
وجان العالم ايسميهه
ماسه
+
عراق وصار بيد , الما يرحمون
اول ما اجو , كطعوا
انفاسه
+
كل فاسد , اذا مو هسه فد يوم
يبان وينكشف , حتما
اخياسه
+
الشعر شيسوي , ويحرك الاحاسيس
اذا جان الشخص ميت
احساسه
+
جوعتوا الشعب , هججتوا الناس
وطن تتعذب ابكل يوم
ناسه
+
اذا بيكم نزيه , وطاهر اليوم
يظل طاهر , وما ينهز
اساسه
+
عله اجروح الشعب , صارت الحفلات
اواحدكم ملك , جدامه
كاسه
+
الوطن ما يستحق منكم .. تنهبوه
وطنكم يستحق ,خير
وقداسه
+
سراق الوطن , واتظلوا سراق
وما يحتاج اليوصف
فراسه
قناتنا على التلغرام :
https://t.me/kitabat
الموضوع السابققناتنا على التلغرام : https://t.me/kitabat
.jpg)
