يظل غربيلهه ايغربل
عباس طريم

 الغثيث ايطيح , والحر الاصيل ايظل

هايه قاعده ومرهون بيهه الكل

 

غزل واتخلبص وما ندري وين الراس

احنه اهل العقد , بس موش اهل الحل

 

الايمانه قوي وثابت عله التوحيد

لتظنه بطمع دنياه يتبدل

 

والعركه ابجبينه اتلالي مثل اهلال

مسلح بالشرف والغيره , ماهو اعزل

 

والطاهر حليبه وامه اخت ارجال

بالماي الوسخ والعفن , ما  يبتل

 

دنيه اتغيرت والجان بيه , الخير

 والطيب ومزايه الكرم , يتأمل

 

هجر ارضه وسكن وي ديرة الكفار

من شاف النهب والبوك صار اول

 

صار الخير ايحاجيك  بالدولار

وكل شغله بدون الدفع تتأجل

 

المنجل من يحش الكصب رايح جاي

لتظنه يمل ويتعب  المنجل

 

حرامية كبل .. من الغني ايبوكون

والمحتاج ينطوه , كبل لا يسأل

 

وذوله من الفقير الحافي ايبوكون

واليكربهم ايكللوله ازلف , ول

 

شعبنه ايدور الراحة وسكف يحميه

موش امهجول ابكل البلاد , ايظل

 

اسائل بالقصايد وانشد العقال

البلد مات واتوذر كولوا شنهي الحل؟

 

وما عدهم جواب اليشفي المعزبين

معناهه الوضع باقي ويتبدل

 

شكل للعينه وكحه وما يخاف الله!

اذا ما يستحي من الخالق ويخجل

 

شكل للجان حافي , انعاله ابو القيطان

باك فلوسنه , ومن يحجي يتحنجل

 

جثير الحجي , وما اريد اتعب القراء

ملينه الحجي , والحجي انعاد ومل

 

ابو الحسنين كال وسجل التاريخ

  

خير القول ما قل ,وبعد ما وما دل

الموضوع السابق نريد أن نفهم ؟!!

قناتنا على التلغرام : https://t.me/kitabat