صفحة الكاتب : د . بهجت عبد الرضا

صرخة نداء للزهراء
د . بهجت عبد الرضا
ما بُرد حزنچ يـَــزهره ..
ولا طفت نيران جمره ..
وضلعچ المكسور يصرخ 
هذا كسري منهو يا شيعة يجبره ..
وهيّ مو قصة ضلع لا أبدا ً
هي قصة مبدأ وحق واعتقاد وبيهة فكره ..
مو مجرد ضلع ضلعچ
لأن صدرچ هو محراب الأله ومقر أمره ..
وانتي رحمة من الله
ووجهچ يشع نورة من أنوار طهره ..
وانتي علم الباري عندچ
وانتي مستودع لسرّه ..
گلب حيدر ثابت بكل النوايب
ماتهز من عندة شعره ..
وانلچم گـلبة بمـصابچ 
الله يساعده ويعـظـملة أجره ..
كل مصاب وكل فجيعة بهالزمن 
صارت تذكرنا بيچ شلون ذكره ..
چنچ اليوم اندفنتي
والگبر ضمچ لصدره ..
وچنها عدوانچ إجتّ اليوم تحرگ
باب علم المصطفى وتذبح العتره ..
كلمن تحزم حزام
وذبوا المستحة والغيرة 
أبد مابقت قطره ..
والعراق اليوم مثلچ مستباح
ويشتكي للباري قهره ..
العراق تعلم بمدرسة صبرچ
إي يمولاتي واخذ منچ العبره ..
نفس عدوانچ إجونة
حرگوا البيبان كلهة 
والعرب ماهمهم اللي صار 
محـّد سكب عبره ..
رادوا نعوف الشريعة
ورادوا نسبكــُمُ ومنكــُمُ نــتـِــبـرّه ..
ما دروا إحنة نتــِـشرف 
لو نصير تراب تحت اقدامكم ونصير ذره ..
حزنچ تجدد شبابة وما عتگ
لأن بعدة الباطل وأتباعة كثره ..
بعده ِ يصول ويجول
ويطعن الحق ويطــَبره ..
شاحچي يا خير النساء
ياللي چنتي للنبي مصدر مسَره ..
شاحچي ياأم الحسن وام الحسين
ضاگت الدنية بعيوني 
والفضا أصبح شصغره ..
داخلين احنة عليچ
ونعرف الباري يقدر خاطرچ، لا ما يكسره ..
داوي نزف جروحنة وصبرينا عالمصايب
لأن حتى الصبر عدنة نفد صبره ..
التمت علينة النواصب
واللي يگدر يوصللنة جاب شره ..
واللي ما يگدر يجينة
يشتغل من موقعه وكلمن بكـتره ..
شي مفخخة وشي انتحاري وشي قذيفة
وشي مسبة وغلط وألفاظ قذره ..
أحرگي ذولة النواصب، زلزلي أقدامهم
خلي كل دروبهم مليانة عثره ..
يا وجيهة عند رب العالمين
ياللي أصلچ من نبات الجنة ثمره ..
بالأمس كتلوا صدرنة
وخلوا المنبر ينوح لـفگد صدره ..
ابنچ الطاهر صدرنة
اللي أنقذنة بجمعتة وعمق فكره ..
أنقذ الشيعة وكتاب الله والإسلام من إيد الطغاة
ورجع لمذهبنة قدره ..
لكن اغتالتة أيدي الحاقدين
والحقد مازال يتوچة على غدره ..
إي يمولاتي شاگول
عجلي طلعة إمامي المنتظر
إحنة مشتاگين كل لحظة ننطره ..
هذا آنة أطلقت صرخة ندائي 
وانتظر منچ البـُـشره ..

قناتنا على التلغرام : https://t.me/kitabat


د . بهجت عبد الرضا
 (للدخول لصفحة الكاتب إضغط هنا)

    طباعة   ||   أخبر صديقك عن الموضوع   ||   إضافة تعليق   ||   التاريخ : 2016/02/22



كتابة تعليق لموضوع : صرخة نداء للزهراء
الإسم * :
بريدك الالكتروني :
نص التعليق * :
 



حمل تطبيق (كتابات في الميزان) من Google Play



اعلان هام من قبل موقع كتابات في الميزان

البحث :





الكتّاب :

الملفات :

مقالات مهمة :



 إنسانية الإمام السيستاني

 بعد إحراجهم بكشف عصيانها وخيانتهم للشعب: المرجعية الدينية العليا تـُحرج الحكومة بمخالفة كلام المعصومين.. والعاصفة تقترب!!!

 كلام موجه الى العقلاء من ابناء شعبي ( 1 )

 حقيقة الادعياء .. متمرجعون وسفراء

 قراءة في خطبة المرجعية : هل اقترب أَجلُ الحكومةِ الحالية؟!

 خطر البترية على بعض اتباع المرجعية قراءة في تاثيرات الادعياء على اتباع العلماء

 إلى دعاة المرجعية العربية العراقية ..مع كل الاحترام

 مهزلة بيان الصرخي حول سوريا

 قراءة في خطبة الجمعة ( 4 / رمضان/ 1437هـ الموافق 10/6/2016 )

 المؤسسة الدينية بين الواقع والافتراء : سلسلة مقالات للشيخ محمد مهدي الاصفي ردا على حسن الكشميري وكتابيه (جولة في دهاليز مظلمة) و(محنة الهروب من الواقع)

 الى الحميداوي ( لانتوقع منكم غير الفتنة )

 السيستاني .. رسالة مهدوية عاجلة

 من عطاء المرجعية العليا

 قراءة في فتوى الدفاع المقدس وتحصين فكر الأمة

 فتوى السيد السيستاني بالجهاد الكفائي وصداها في الصحافة العالمية

 ما هو رأي أستاذ فقهاء النجف وقم المشرّفتَين السيد الخوئي بمن غصب الخلافة ؟

 مواقف شديدة الحساسية/٢ "بانوراما" الحشد..

أحدث مقالات الكتّاب :


مقالات متنوعة :





 لنشر مقالاتكم يمكنكم مراسلتنا على info@kitabat.info

تم تأسيس الموقع بتاريخ 1/4/2010 © محمد البغدادي 

 لا تتحمل الإدارة مسؤولية ما ينشر في الموقع من الناحيتين القانونية والأخلاقية.

  Designed , Hosted & Programmed By : King 4 Host . Net