هاي بت حيدر علي
سعيد الفتلاوي

بْزينب نْعرفت مصيبة كربله
وْلوله زينب ماعرفنه اللي جرَه

فضحت الباطل فخر خير العمل
وْخطّتِ فْصول الجريمه المنكرَه

هاي بت حيدر علي وْ ياهي المِثِلها
وْهيّه رمز الكل كريمه مْخدّرَه

ذلّة الشمر وْ يزيد وْ حرمله
وْهزت عْروش الضلاله اعظم مرَه

بْيا وصف اشعاري توصف حايره
يكفي بت خير النساء وْ حيدرَه

حِمْلت آلام الليالي المظلمه
من سبوها الدارغربه مْيسّرَه

مو صبر صبر العقيله الطاهره
للصبر اِنْطت دروس تْصَبّرَه

وْيا گلب يصبر يشوف المذبحه
وْيا اخت قَبلَت اَخيْها بْمنحرَه

لا فلا حُرمه وْ مثلها مْعدله
بْكل زمن سيرتها تبقه مْعطّرَه

وتبقه آيه اُمّ الخدر ومْكمّله
عالمه وْ عند الاله مْقدّرَه

من حبيب الباري جدها مْعلِّمه
وْمن اصل طاهر نسبها مْطهرَه

مو خوارج يالتنادي عْله المله
خطبت بْمجلس يزيد وْ مَحضرَه
 

الموضوع السابق بمناسبة استشهاد ابا الفضل العباس ع

قناتنا على التلغرام : https://t.me/kitabat