ابو ذيّات لمولد الامام علي عليه الصلاة والسلام
سعيد الفتلاوي

بْعلي الكرار ربنه مَن علينه

 

وْمَحَبْته الله او رسوله مِن علِينه

 

نعم لو ما علي الدر مَن علينه

 

اسالك نلگه مثله بْهالبريه

 

.............

 

علي بْاعظم كتاب انصاغ بالنص

 

علي الفقار يجسم خصمه بالنص

 

علي المانزّل الراس او فلا نص

 

همام وْ هامته تْلوح الثريه

 

.............

 

بطل هالامّه يا والي عِلمها

 

علي عالم بالافلاك وْعَلمها

 

تحل كل مشكله وْ عندك علِمها

 

صعب نوصف قواك العالميه

 

..............

 

ينور الكل فرح اسمك وعِيده

 

مدد لاسمك علي نْصيح ونِعيده

 

بفرحنه الكل يجدد الك وِعِيده

 

فداك انروح يا خير البريّه

 

..............

 

علي الدرّ المصفى شلون وصفاك

 

رفع شانك اله الحق وصفاك

 

ربح كلمن اجه برحلك وصفاك

 

العلي علّاك يا حامي الحميه

الموضوع السابق من كلثوميات السَّمر"ودارت الأيام"...

قناتنا على التلغرام : https://t.me/kitabat