ذخرنه او يا فخرنه يا نبي الاكوان – نْتباهه بيك عالدنيه او عله الاديان
عظيم انت او كريم او صاحب القرآن - المنقذ انت المنقذ يوم المحشر والاهوال
..............
هلا ابميلاد ابو الزهره او ابو الانوار – بزغ نوره او ظهر سرّه منِ الاسرار
ابو العتره الكريمه او والد الاقمار – عالدنيه امنور بانواره
..............
تهانينه يمهدينه تهانينه - ابولادة جدك الطاهر يوالينه
نريد اليوم تحضرنه يغالينه – الشيعه اتصيح اتريدك يبن الهادي والمختار
...............
محمد هالاسم ياهو اليضاهيه – لان امر الله بالعالي يعليّه
بْمراتب عاليه ايرفعه او يخلّيه – الكون امنوّر باسمك يا مولاي
...............
امين او طاهر او صادق بالاقوال – رسول الله او حبيبه او خير الارجال
عظيم او بالخلگ ماشابها امثال – يا فخر الدين او عنوانه
................
فرح واعياد بالدنيه او مواليد – قصايد تقره هالناس او اناشيد
شعر بانواعه تقراه الرواديد – للهادي اتبارك ميلاده
................
هدايه او خير ميلادك نبينه – نهني اليوم حجتنه او ولينه
وْنهني الزهره والعتره الامينه – للمهدي انبارك والينه
................
فخر هالدنيه والعالم والافلاك – وَلاكون او فلك ماصار لولاك
نعم رب العرش بسْماه علّاك – تْاسس كل العالَم من اجلك مولاي
................
روايه اثنين وثلاثه او الف ختصير – لان ميلاد ابو ابراهيم رحمه او خير
حبيب الله نور الكون سرّه اچبير – كل الدنيه فرحانه وافلاك الكون
قناتنا على التلغرام : https://t.me/kitabat