اذا ضاع الوفاء وضاع الحساس
عباس طريم

اذا   ضاع   الوفاء .. وضاع الحساس
وذا روح الجبن .. خيم  على
الناس

وذا كل  تضحية صارت ابمعيار
تذكر يا موالي .. اجفوف
عباس

راح اتشوف كل معنى الموالات
والغيرة لتفور .. وتشعل
الراس

صعب جان  التجاوز عالميامين
وصعب جان الشرف..بالرجل
ينداس

وايمتنه النشامه ..اهل الكرامات
تراب اللي عليه يمشون
ينباس

نولو.. ولية  جبان .. بكثرة ازلام
تحزم  ..والزلم من صدك
انجاس

تصور .. فحم  يتلاكه  ابميادين
الفخر .. ويريد يتكابل
ويلماس

رجل من  ال  امية  العبدو اللات
واهله.. الله! عنهم كال
ارجاس

الهم   بالحيل  تاريخ   معروف
والهم بالغدر باهل الرسل
ساس

صعب اسم الحسين وعترة البيت
بيزيد العفن, والاوغاد
ينقاس

من عهد  النبي  ابراهيم  مختوم
بني ميه الذيول .. وهاشم
الراس

ال  البيت .. اسم   يتعطر  ابنور
ومنه نشم عبير الهيل
والياس

ذولة اهل الشرف ..اهل البطولات
بحر من العلوم  ابوسط
كراس

حسافة.. ابهيج    يوم   ايشيب الكلوب
احفاد اليزيد .. تقيم
اعراس

يظل   .. حتما     فرق    بين  المصلين
وبين اللي ينام.. ويكرع
الكاس

باجر     بالحشر      .. خرج  اليكرهون
ال البيت.. خالي وطاكه
افلاس

باجر  في   صقر   كلمن   رمه حسين

وكلمن  صار لهل البيت
علاس

جهنم     تنملي   بكل   الحثالات
ومنهم .. تصنع من الفحم
اكداس

ويظل   ابكربلا   رمز   العناوين
ابو فاضل .. ابحر الفخر
غطاس


ابو   فاضل   بذل   كل جهده  لحسين
وظل بس الصدر سواه
متراس


اذا سالوك  عن  سيف الملمات ؟
لا تضرب يخي اسداس
 باخماس

وذا     سالوك   عن   اشجع الشجعان؟
وعن راس الوفا..  بس كول
عباس

 

الموضوع السابق مهرجان بغداد لمسرح الشباب العربي...أخشى عليك

قناتنا على التلغرام : https://t.me/kitabat