صفحة الكاتب : احمد القرشيون

قصة من زمن الثمانينات
احمد القرشيون

ورى ماهربت من الجيش كعدت ابيت عمي .. هروبي جان علمود ضابط صغير بكصتي بوكتها ..

هالضابط حط راسه براسي ماعرف ليش

يعني لا مسويله شي اني .. ولا حتى متقرب من عنده ..

 بس لان الجنود جانو يصيحولي المثقف هو ضاج مني ..

 اكو ولد عريف كالي ترى يغار منك والله  .. كلتله على شنو يغار ؟؟ كال لان دارس و دائما يلتمون الجنود داير مدايرك و كلهم يحبوك ..

كلتله ممعقولة يمعود ..

عالعموم شبعت ظيم وياه ..

 يوميا عقوبة من لاشيء و يوميا غلط عالخالي بلاش .. كلت احسن شي اسوي اطفر و ادخل هروب و شيصير خلي يصير ..

طفرت و كعدت مثل مكلت ببيت عمي .. و كمت اشتغل وي صاحب عمي بحي صناعي .. الحي الصناعي بعد منطقتين من بيت عمي ..

مرات اروح وي ابو الشغل بسيارته الشخصية .. وطبعا هو يدري بيا طافر من الجيش و اذا جنا نلمح من بعيد انضباطية كبل نفوت بالفروع ..

بس المشكلة وين ؟

مرات تصير ظروف والسيارة مموجودة لو هو رايح بغير مكان و اني لازم اروح افتح .. هنا المشكلة ..

لان لازم اركب كوسترين يله اوصل للحي الصناعي الي اشتغل بي ..

اكو ولد فيتر ويانا .. هذا يدري بيا هارب .. كالي تدري عندي ابن اختي صارله سنة و نص هارب ومحد ملكفة و افتر العراق من الحد للحد ..

كلتله شلون اكيد عنده عدم تعرض مزور لو هوية مزوره مو ؟ كال لا ..

كلتله بشرفك شلون ؟

كال يسوي نفسه اخرس من يصعدون الانضباطية و دائما يلبس هدوم مخربطة ..

ضحكت كلتله وهاي تعبر عليهم و حتى لو تعبر اني استحي اسويها كبال الناس ..

كال تعبر عليهم لان همه بشر حالهم حالنا .. و اذا تستحي لعد طبك مرض ظل خايف و ايدك على كلبك و اجاك الذيب واجاك الواوي ..

كلتله اوكف خلي نجرب ..

كال شنجرب ؟

كلتله اذا اجه زبون هسة لمحلنا لو لمحلك خلي اني اجرب اسوي نفسي اخرس وياه و خلي نشوف ردة فعلة ماشي ..

كال يله ماشي ..

والله ورى ربع ساعة تقريبا اجه رجال سايق تكسي برازيلي لحد هسة اتذكر جان يريد يصلح الدرايم شفت ..

اني استقبلته و سويت نفسي اخرس و اطرش وياه ..

مشت عالرجال و هاي جانت اول مرة بحياتي اسوي هالشي والله العظيم ..

عرفت وراها انو صدك الناس تصدك بس بقت بيا خوفة انو الانضباطية اخاف يلكفوني و كلت خلي اجرب هي خربانة خربانة ..

و كمت اني ادور على الشرطة بالشارع لو الانضباطية وافوت مقابيلهم .. بس الشي المضحك مجانو يوكفوني و لا يصيحوني ولا الحك اسوي نفسي اخرس كبالهم ..

يعني لان اريد اجرب هههههههههههههه محد يكلي تعال انطيني هويتك ..

الحاصل كمت اركب كوستر و صدك والله تلث مرات وكفونا و مشت عليهم سالفة الاخرس .. بس المشكلة بهل السالفة لازم حتى كبال العبرية (الركاب يعني) امثل الدور ..

لان الناس متنحزر ...

عالعموم بقيت هارب تقريبا ثمن اشهر محد ملكفني الى ان اجه اليوم الي غير حياتي كلها و حقيقة غير حياتي كلها ..

فد يوم كالعادة طالع من بيت عمي و رايح للشغل .. صعدت كوستر جانت تقريبا مقبطة بس اكو مكان واحد فارغ ..

هالمكان كرسي ابو نفرين و بصف الشباك كاعدة وحدة تخبل .. مبينة طالبة  ..

انيقة و مرتبه و حلوة و مبينة واثقة من نفسها كلش ..

كعدت بصفها و جنت كلش خايف لا هدومي المدهنة تطخ هدومها و توسخها .. الى درجة كعدتي جانت مو كعدة طبيعية ..

و الي يشوفني يضحك لان حاط ايدي على رجليناتي شلون البنات من يكعدون ههههههههههههه ..

اني احمد الله واشكره شكلي مقبول .. و طويل ..

زين بهل الكعدة صرت شي نشاز كلش .. هي ماعرف شلون انتبهت عليا و خلت كلينكس بيدها وحطت الكلينكس على وجهها و كامت تضحك بس مبين  دتضحك هههههههههه .. اني هم ماعرف شلون كلتلها ضحكي ضحكي ..

هي حجت بصوت ناصي كالت مو بله ؟

كلتلها اي بله و اني صوجي خايف على هدومج .. تدرين من ركبت لحد هسة ادعي بكلبي لاتصير طسه حتى لا اطخج بهدومي غصبا ما عليا و تدهنين ..

اني من كلت هيج كامت تضحك اكثر و كالت صدك تحجي ؟ كلتلها والله ..

و بدينا نحجي اني وياها .. كلتلها ترى اني هم داومت كليه واعرف البنية لازم تروح للدوام مرتبه ..

كالت انت مداوم كلية ؟

كلتلها و داومت بفلان قسم و كمت احجيلها و حسيت البنية انعجبت بيا .. و بصراحة اني هم انعجبت بيها ..

بس سبحان الله مو كلشي حلو يكمل ..

طرببببببببببببببب ..

سيطرة انضباطية ههههههههههههه والله العظيم والله العظيم طريق الكوستر هذا نادر و بالاحلام توكف بي سيطرة ..

بس على حظي وكفونا ..

طبعا اني توترت وهي حست بهل الشي ..

زين

كمت احجي بيني وبين نفسي .. كلت اسوي نفسي اخرس وخبل !!

زين اذا اسوي نفسي اخرس وخبل هيبتي تروح كبال البنية و اكيد راح تكول هذا كل حجية جذب وياريت لو بس عالبنية وبس .. الناس كلهم شافوني احجي وياها و اسولف وياها يعني مكشوف مكشوف ..

زين بلكي ميطلبون هويتي يارب ..

و انفتحت باب الكوستر و صعد الانضباطي .. اني بين الي اريد اسوي و بين الي ماريد ..

و اول واحد طلب هويته اني ..

كلت يله مدام طلب هويتي خلص ملزوم ملزوم .. كبل سويت نفسي افتش بجيوبي وكلتله نسيتها بالبيت ..

كال انزل هههههههههههه و حسيته يريد يكول انزل و خلي يولن ..

بس الحمدلله مكال خلي يولن ..

باوعت عالبنية و ابتسمت ابتسامة خفيفة و كلتلها من رخصتج الضاهر مالنا قسمة نخلص حجينا .. البنية شكلها انكلب و صدك حسيتها انقهرت عليا و خايفة عليا وهالنظرة الي بعيونها هي الي صبرتني بكل فترة السجن ..

حبيتها من هالنظرة والله العظيم ..

نزلت و مجنت مهتم لا للانضباطية ولا حتى خايف من السجن و لا حتى اسمع الي ديكوله الانضباطية بيناتهم .. عيني صارت عالكوستر بس و شفتها شلون تباع عليا خطية و دارت حتى راسها من مشت الكوستر (لان ابو الكوستر وراها اكيد يروح خو ميبقى ينتظرني وياه ناس و مصالح ناس .. و اصلا الانضباطية يكولوله اطلع ) ..

راحت الكوستر واني هم ركبت وياهم و كبل للحارثية و من الحارثية سفروني لوحدتي العسكرية بعد محجيتلهم كل معلوماتي ..

عالعموم ...

انسجنت .. بس والله العظيم كل همي اطلع حتى اشوف نفس البنية .. لان عرفت هي تداوم بالتراث من حجيت وياها كالتلي هالشي ..

و اكيد بيتهم بنفس منطقة بيت عمي بس ماعرف وين ..

كل همي اخلص السجن و اطلع اروحلها ..

و خلصت السجن و طلعت و رجعت لبيتنا عادي .. ابوية بوقتها كالي بوية لاتهرب بعد .. لان هي براسك براسك و غصبا ماعليك تخلصها (يقصد عالعسكرية) ..

كلتله يابه وعيونك وداعة هاي امي مو هربت لان متعاجز منها .. بس هالضابط حاط راسه براسي و شبعني اهانة .. كالي والله ماعرف شكلك ..

و سبحان الله و بفضل من الله ماعرف على حظي على حظ اهلي و دعاء امي .. الضابط ورى فترة انقل ..

المهم ..

ورى مرجعت لبيتنا و داومت بالعسكرية عادي ..

بالاجازة مالتي رتبت نفسي وقررت اروح للتراث اشوفها للبنية ..

بس المشكلة ماعندي عرف بالكلية ولازم اضرب ركن هناك و اكعد ادور بالوجوه لحد ما الكاها .. و طبعا اني اجازتي كلها اسبوع ..

بس الي يريد شي يعوف شي ..

و سويتها ورحت ..

و بأول يوم مشفتها .. و ثاني يوم هم مشفتها .. بعدين كلت بيني وبين نفسي .. اني شكو جاي هنا و متعب نفسي ..

خوب اروح بوقت نهاية دوامهم يم الكوسترات الي تروح لمنطقة بيت عمي .. واكيد راح تجي تريد تصعد والكفها .. لان الكوسترات تقبط وحدة وحدة ..

و مبين كبالي العبرية الي يصعدون واحد واحد ..

و صدك والله ورحت هناك و جان الكفها للعينتين .. و كبل صعدت بصفها ..

كالت لاتكول صدفة ؟

كلتلها لا والله ابد مو صدفة ...

كالت تصدك بالله العظيم يوميا من تفوت الكوستر بالمكان الي صعدت بي ابقى اباوع اكول هسة تركب انته ؟ كلتلها تصدكين بالله العظيم نظرتج وهاي عيونج مراحت من بالي طول فترة السجن .. كالت اسم الله سجن ؟ كلتلها اني جنت طافر من العسكرية و هيج وهيج وهيج حجيتلها كلشي بس مقتطفات مقتطفات ..

و من يومها بدت علاقتي بيها ..

كمت احبها وهي هم حبتني .. جنت بكل اجازة اروح عليها و نحجي ونسولف .. بس للأسف لا احنا عدنا تلفون ارضي ولا حتى همه ..

يعني بوقتها علاقتنا جانت بلا مواعيد .. على الغفلة و على التخمين ..

يعني ( اكلها يمكن بفلان تاريخ نتشاوف ) .. وهي خطية تكعد تحسب فلان تاريخ يصادف عطلة لو لا ..

عالعموم بقت علاقتي بيها و زادت كلش لحد مخلصت عسكرية والحمدلله كظت عسكريتي على خير ورى ما انقل الضابط لغير وحدة ..

و قررت اخطبها بعد موافقة ابوية و امي و اخوية الجبير طبعا بس قبل هالشي اشتغلت شغلة زينة حتى اهلها ميكولون شي ..

و طبعا هي فاتحة اهلها بهل الحجي و بالمناسبة ابوها رجال مهندس مدني و جدا مثقف و متفتح ..

يعني البنية حجتله كلشي من وقت متعارفنا لحد لحظة اني طلبت ايدها و كلتلها كولي لأهلج ..

الرجال تفهم الموضوع و رحنا و خطبناها و تمت الموافقة و صارت من قسمتي ..

و تزوجت ورى فترة و الحمدلله والشكر مر عالسالفة سنين والله رزقني بولد ثنين ..

بس مرات اصفن بيني و بين نفسي ..

اكول بله لو اني بيومها لو مسوي نفسي مخبل و اخرس مثل كل مرة !

جان بقت وياي ..

و طبعا حجيتلها هالشي هههههههههههه كالت تريد الصدك لو الجذب ؟ كلتلها الصدك ؟ كالت لان انت مجبور تسوي هالشي مراح اهتم ..

و طبعا بيومها من حجيتلها هالشي حلفتني بالكائنات كلها الا اسوي كبالها نفس الشي و جان تطلع من الصالة و تفتح باب الصالة و تطلب هويتي عود هههههههههههههه واني اسوي هالشي كبالها ..

تخرب من الضحك وتكلي عيد عيد ..

اكلها لج شعيد هههههههههههههههههه .. تكلي عيد المشهد بشرفك ..

و صارت بيها عادة كل متضوج تكلي تعال نلعب لعبة الانضباطية هههه ..

طبعا هالحجي مر عليه هواي سنين بس بعده يضحكها هالشي .. ومرات من اشوفها مهمومة اكلها نلعب لعبة الانضباطية حتى بس اضحككها ..

الله يحفظها اليا و يحفظكم يارب ..

( القدر محد يتوقعة )

  

احمد القرشيون
 (للدخول لصفحة الكاتب إضغط هنا)

    طباعة   ||   أخبر صديقك عن الموضوع   ||   إضافة تعليق   ||   التاريخ : 2019/06/25


  أحدث مشاركات الكاتب :

    • صمود  (المقالات)

    • تاريخ مدينة النجف الأشرف  (المقالات)



كتابة تعليق لموضوع : قصة من زمن الثمانينات
الإسم * :
بريدك الالكتروني :
نص التعليق * :
 



حمل تطبيق (كتابات في الميزان) من Google Play

البحث :



أحدث التعليقات كتابة :



  علّق محمد دويدي ، على قراءة في ديوان الخليعي ..... تحقيق د. سعد الحداد - للكاتب مجاهد منعثر منشد : من أفضل ما وصلنا عن الشاعر، قراءة رائعة ودراسة راقية سلمت يداك توقيع مجمد دويدي

 
علّق مصطفى الهادي ، على لماذا آدم (مختون) وابليس غير مختون؟ دراسة في فلسفة الختان في الأديان. - للكاتب مصطفى الهادي : تعقيب على المقال. بعض الاخوة قال : كيف يُختتن ابليس ؟ كيف يتناسل ابليس وتتكاثر ذريته. يضاف إلى ذلك أن ابليس كائن لا تراه انت لوجود بُعد أو حيّز آخر يعيش فيه والكن الفرق انه يستطيع ان يراك ويتصرف بك من دون ان تراه . (إنه يراكم هو وقبليه من حيث لا تشعرون). (وشاركهم في الاموال والاولاد) . فقال المفسرون أن ابليس قد يُشارك الرجل امرأته في الفراش وهذا حديث متواتر عند السنة والشيعة . ونحن نعلم أن الوهج الحراري غير مادي إنما هو نتاج المادة (النار) صحيح انك لا ترى الوهج ولكنه يترك اثرا فيك وقد يحرقك. وقد ظهر الشيطان في زمن النبي (ص) في عدة اشكال بشرية منها بصورة سراقة بن مالك. وورد في الروايات أيضا ان له احليل وان زوجته اسمها طرطبة وأولاده خنزب وداسم وزلنبور وثبّر والأعور . وهم رؤساء قبائل. وقد ورد في الروايات ايضا ان الملائكة عند خلقهم كانوا مختونين، ولذلك قيل لمن يخرج من بطن امه بأنه ختين الملائكة. لا اريد ان اثبت شيئا بالقوة بل لابد ان هذه الروايات تُشير إلى شيء . وقد استمع الجن إلى القرآن وذهبوا إلى قبائلهم فآمنوا. لابد التأمل بذلك. واما في الإنجيل فقد ظهر الشيطان لعيسى عليه السلام واخذ بيده وعرض عليه اشياء رفضها ابن مريم وبقى يدور معه في الصحراء اربعين يوما. وفي سورة الكهف ذكر الله أن للشيطان ذرية فقال : (أفتتخذونه وذريتهُ أولياء من دوني).وقد ورد في تفسير العياشي ج1 ص 276 ان الله قال للشيطان : ( لا يولد لآدم ولد الا ولد لك ولدان(. وقد وصف السيد المسيح اليهود بأنهم أبناء إبليس كما في إنجيل يوحنا 8: 44 ( أنتم من أب هو إبليس، وشهوات أبيكم تريدون). قال المفسر المسيحي : (انهم ذريه ابليس وهم بشر قيل عنهم انتم من اب هو ابليس). لأن الكتاب المقدس يقول : بأن أبناء الله الملائكة او الشياطين تزوجوا من بنات البشر وانجبوا ذرية هم اليهود ابناء الله وكذلك الجبارين. وهذا مذكور كما نقرأ في سفر التكوين 6: 4 ( دخل بنو الله الملائكة على بنات الناس وولدن لهم أولادا(. ومن هنا ذكرت التوراة بأن الشيطان يستطيع ان يتصور بأي صورة كما نقرأ في رسالة بولس الرسول الثانية إلى أهل كورنثوس 11: 14 (ولا عجب لأن الشيطان نفسه يغير شكله). وقد ورد في الروايات الاسلامية وتظافرت عليه ان نبينا ولد مختونا وأن جبريل عليه السلام ختنه فعن أنس بن مالك قال‏:‏ قال رسول الله‏:‏ (من كرامتي على ربي عز وجل أني ولدتُ مختونا ، ولم ير أحدٌ سوأتي). ‏الحديث في الطبراني وأبو نعيم وابن عساكر من طرق مختلفة‏.‏ وفي رواية أخرى عن الحاكم في المستدرك‏ قال :‏ إنه تواترت الأخبار بأنه -صلى الله عليه وآله وسلم- ولد مختونًا‏، فعَنِ ابْنِ عَبَّاسٍ، عَنْ أَبِيهِ الْعَبَّاسِ، قَالَ: (ولد النبي صلى الله عليه وسلم مختونا مسرورا، فأعجب ذلك عبد المطلب وحشيَ عندهُ ، وقال : ليكونن لإبني هذا شأن ).وقدأحصى المؤرخون عدد من ولد مختونا من الأنبياء فكانوا ستة عشر نبيا وصفهم الشاعر بقوله : وفي الرسل مختون لعمرك خلقة ** ثمان وتسع طيبون أكارم وهم زكريا شيث إدريس يوسف ** وحنظلة عيسى وموسى وآدم ونوح شعيب سام لوط وصالح ** سليمان يحيى هود يس خاتم

 
علّق محمد مؤنس ، على مطالب وطن...ومرجعية المواطن - للكاتب احمد البديري : دائما تحليلك للمواضيع منطقي استاذ احمد

 
علّق حكمت العميدي ، على تظاهراتنا مستمرة.. إرادة الشعب ومنهجية المرجعية الدينية - للكاتب عادل الموسوي : المقال رائع وللعقول الراقية حفظ الله مرجعيتنا الرشيدة وابقاها لنا ناصحة ونحن لها مطيعون

 
علّق سجاد فؤاد غانم ، على العمل: اكثر من 25 ألف قدموا على استمارة المعين المتفرغ - للكاتب وزارة العمل والشؤون الاجتماعية : اني قدمت الحد الان ماكؤ شي صار شهر..ليش اهم.امس.الحاجه.الي.الراتب...

 
علّق عمار العامري ، على رؤيا السيستاني في.. ولاية الامة على نفسها - للكاتب عمار العامري : الاخ محمد حيدر .. بعد التحية ارجو مراجعة كتاب حامد الخفاف النصوص الصادرة عن سماحة السيد السيستاني ص 229-230

 
علّق محمد حيدر ، على رؤيا السيستاني في.. ولاية الامة على نفسها - للكاتب عمار العامري : السلام عليكم الاخ الكاتب اين قال السيد السيستاني " واما تشكيل حكومة دينية على اساس ولاية الفقيه المطلقة فليس وارداً مطلقاً " اذا امكن الرابط على موقع السيد او بيان من بياناته

 
علّق نصير الدين الطوسي ، على رؤيا السيستاني في.. ولاية الامة على نفسها - للكاتب عمار العامري : نظرية ولاية الأمة على نفسها كانت للمرحوم الشيخ محمد مهدي شمس الدين اما سماحة لسيد السيستاني فقد تبنى نظرية ارادة الأمة

 
علّق عباس حسين ، على انجازات متصاعدة لمستشفى دار التمريض الخاص في مدينة الطب في مجال اجراء العمليات الجراحية وتقديم الخدمات الطبية للمرضى خلال تشرين الاول - للكاتب اعلام دائرة مدينة الطب : السلام عليكم ممكن عنوان الدكتور يوسف الحلاق في بغداد مع جزيل الشكر

 
علّق Bassam almosawi ، على رؤيا السيستاني في.. ولاية الامة على نفسها - للكاتب عمار العامري : باعتقادي لم يتبنّ السيد السيستاني نظرية (ولاية الأمة على نفسها)، بل اقترنت هذه النظرية -المشار اليها- باسم الشيخ محمد مهدي شمس الدين، الذي يجزم بشكل صريح، أنّ رأيه هذا غير مسبوق من أحدٍ قبله من الفقهاء، إذ يصرح بهذا الشأن في حوار حول الفقيه والدولة بقوله:" لقد وفقنا الله تعالى لكشفٍ فقهي في هذا المجال، لا نعرف - في حدود اطلاعنا- من سبقنا اليه من الفقهاء المسلمين". ويضيف:" إنّ نظريتنا الفقهية السياسية لمشروع الدولة تقوم على نظرية (ولاية الأمة على نفسها). أما السيد السيستاني، فيرى حدود ولاية الفقيه بقوله: "الولاية فيما يعبّر عنها في كلمات الفقهاء بالأمور الحسبية تثبت لكل فقيه جامع لشروط التقليد، وأما الولاية فيما هو أوسع منها من الأمور العامة التي يتوقف عليها نظام المجتمع الاسلامي فلمن تثبت له من الفقهاء، ولظروف إعمالها شروطٌ اضافية ومنها أن يكون للفقيه مقبولية عامّةٌ لدى المؤمنين".

 
علّق رياض حمزه بخيت جبير السلامي ، على اطلاق الاستمارة الالكترونية للتقديم على وظائف مجلس القضاء الاعلى - للكاتب مجلس القضاء الاعلى : اود تعين اود تعين السلام عليكم  يرجى ملأ الاستمارة في موقع مجلس القضاء الاعلى  ادارة الموقع 

 
علّق Smith : 3

 
علّق ابو الحسن ، على من أين نبدأ...؟ - للكاتب محمد شياع السوداني : سبحان الله من يقرء مقالك يتصور انك مواطن من عامة الناس ولم يتخيل انك كنت الذراع اليمنى للفاسد الاكبر نوري الهالكي من يقرء مقالك يتصور انك مستقل وغير منتمي الى اكبر حزب فاسد يرئسك صاحب المقوله الشهيره اليد التي تتوضء لاتسرق وهو صاحب فضيحة المدارس الهيكليه لو كان لدى اعضاء البرلمان ذرة غيره وشرف ماطلعوا بالفضائيات او بنشر المقالات يتباكون على الشعب ويلعنون الفساد اذن من هم الفاسدين والسراق يمكن يكون الشعب هو الفاسد وانتم المخلصين والنزيهين استوزرك سيدك ومولك وولي نعمتك نوري تحفيه في وزارة حقوق الانسان وهيئة السجناء السياسيين وزارة العمل والتجاره وكاله والصناعه وكاله فلماذا صمتت صمت اهل القبور على الفساد المستشري اليس انت من وقفت تحمي ولي نعمتك نوري الهالكي من هجوم الناشطه هناء ادور اليس انت من جعلت وزارة العمل حكر على ابناء عشرتك السودان واشتريت اصواتهم نعم سينطلي مقالك على السذج وعلى المنتفعين منك لكن اين تذهب من عذاب الله

 
علّق سامر سالم ، على نصران مشتركان والقائد واحد  - للكاتب حيدر ابو الهيل : حياكم الله وووفقكم والله يحفظ المرجعيه الرشيده لنا وللعراق

 
علّق ابو ايليا ، على ردّ شبهة زواج القاصرات - للكاتب ابو تراب مولاي : السلام عليكم ورحمه الله بركاته انت وصفت من يعترض على الشريعة بانه معوق فكريا وطرحت سؤال ((هل إنّ التشريعات - السماويّة أو الأرضيّة - حين تقنين الأحكام ، تنظر إلى المصالح والمفاسد ، أو إلى المنافع والمضار ؟!)) وكان جوابك فيه تدليس لأنك لم تبين منهو المشرع اذا كان الله والرسول لا يوجد أي اعراض وانما اذا المشرع العادي الذي يخطئ ويصيب علينا ان نرد عليه رأيه اذا كان لا يقبله العقل اولا والدين والفطرة اما ان تترك هكذا بدون التمحيص الفكري هذه مصيبة وانت لم تكلف نفسك وتأتينا بدليل روائي بتزويج الصغيرة التي اقل من التسع سنين من الائمه وعليه يجب عليك ان تقبل بزواج النبي من السيدة عائشة وهي بعمر التسع وهو قارب الخمسون أي انسان هذا الذي يداعب طفله لا تفهم من الحياه سوى اللعب...عجيبة هي آرائكم .

الكتّاب :

صفحة الكاتب : محمد سعيد المخزومي
صفحة الكاتب :
  محمد سعيد المخزومي


للإطلاع على كافة الكتّاب إضغط هنا

الملفات :

مقالات مهمة :



 إنسانية الإمام السيستاني

 بعد إحراجهم بكشف عصيانها وخيانتهم للشعب: المرجعية الدينية العليا تـُحرج الحكومة بمخالفة كلام المعصومين.. والعاصفة تقترب!!!

 كلام موجه الى العقلاء من ابناء شعبي ( 1 )

 حقيقة الادعياء .. متمرجعون وسفراء

 قراءة في خطبة المرجعية : هل اقترب أَجلُ الحكومةِ الحالية؟!

 خطر البترية على بعض اتباع المرجعية قراءة في تاثيرات الادعياء على اتباع العلماء

 إلى دعاة المرجعية العربية العراقية ..مع كل الاحترام

 مهزلة بيان الصرخي حول سوريا

 قراءة في خطبة الجمعة ( 4 / رمضان/ 1437هـ الموافق 10/6/2016 )

 المؤسسة الدينية بين الواقع والافتراء : سلسلة مقالات للشيخ محمد مهدي الاصفي ردا على حسن الكشميري وكتابيه (جولة في دهاليز مظلمة) و(محنة الهروب من الواقع)

 الى الحميداوي ( لانتوقع منكم غير الفتنة )

 السيستاني .. رسالة مهدوية عاجلة

 من عطاء المرجعية العليا

 قراءة في فتوى الدفاع المقدس وتحصين فكر الأمة

 فتوى السيد السيستاني بالجهاد الكفائي وصداها في الصحافة العالمية

 ما هو رأي أستاذ فقهاء النجف وقم المشرّفتَين السيد الخوئي بمن غصب الخلافة ؟

كتابات متنوعة :



 رئيس ديوان الوقف الشيعي يستقبل محافظ بابل  : اعلام ديوان الوقف الشيعي

 حرب التسقيط الاعلامي وواقعيتها  : عمر الجبوري

 الأسرى في الإسلام  : الشيخ عبد الحافظ البغدادي

 حياة الطالب الجامعية  : علي الزاغيني

 الغازات السامية كذبة مفبركة  : مهدي المولى

  الامامة والامام في كتاب الله والحديث النبوي  : مجاهد منعثر منشد

 الموارد المائية تواصل حملات التطهير والتنظيف في محافظة المثنى  : وزارة الموارد المائية

 مركز تراث كربلاء التابع للعتبة العباسية المقدسة يصدر عدد جديد من مجلة تراث كربلاء  : اعلام ديوان الوقف الشيعي

 هستيريا الإعلام العربي ضد سوريا..!  : عبد الهادي البابي

  هيئة كبار العملاء  : صفاء ابراهيم

 قِسمُ شؤونِ المَعارفِ الإسلاميَّةِ والإنسانيَّةِ يَدعو الباحِثينَ للمُشارَكة في مُؤتمرِهِ العِلميِّ الدوليِّ الأوَّل  : شبكة المعارف للتراث الاسلامي

 من يقتل وحش التقسيم  : باسم العجري

 مدني صالح من النقد الثقافي الى النقد الفلسفي  : د . رائد جبار كاظم

 هنا قبر لفاطمة  : جليل هاشم البكاء

 اختفوا خلف ماشئتم من العناوين  : حميد الموسوي

أحدث مقالات الكتّاب :





 لنشر مقالاتكم يمكنكم مراسلتنا على [email protected]

تم تأسيس الموقع بتاريخ 1/4/2010 © محمد البغدادي 

 لا تتحمل الإدارة مسؤولية ما ينشر في الموقع من الناحيتين القانونية والأخلاقية.

  Designed , Hosted & Programmed By : King 4 Host . Net