صفحة الكاتب : احمد عرار

خراريف وطن مجروح- الجزء الثاني
احمد عرار

المقالات لا تُعبر عن وجهة نظر الموقع، وإنما تعبر عن رأي الكاتب.
امبارح واحد صاحب بقلي ولك انت مش خايف ايش اللي هذا بتكتبه، قلتله يا عمي ما كل الناس بتحكي هالكلام، بتركب مع سواق التاكسي بيقلك يلعن ابو البلد، بتروح سوق الاثنين تشتري كيلو بندوة والا بطاطا بتلاقي التاجر بيقلك علي الطلاق ببيع بخسارة. بتروح عشان تجيب خبز بتلاقي ربطة الخبز كل يوم بسعر، يمكن عشان اخونا وزير التموين مش عارف التسعيرة. طبعا بيكون نفسك تجيب كم فرخة بتلاقي جيبتك بتسب عليك، وحتى لو فكرت مثلا تجيب ابو كادو يا عمي ما هو الكيلو بسبعة شيكل. بتشتري حبة وحدة بس بكفي وتعملها سلطة.
وعشان ما اطول عليكم بدي احكيلكم اول خريفة "خريفة المعاقين بغزة"
اسمع يا سدي واسمعي يا ستي بيقلك انه في بغزة 80 الف معاق بس!!! واخوانا المعاقين وضعهم زي الزفت لانه ما في حد يرعاهم او يقدملهم الخدمات الطبية، وطبعا كمان القانون الخاص بيهم معطل. كنت بحكي لحد كبير ومهم في البلد عن الموضوع فقلي ياراجل اذا كان ما في طرق للعدلين بدهم يعملوا طرق للمكرسحين. الله اكبر.
ما هو ياعمي انتو عارفين حكاية القايد والزعيم الكبير دايما بهتف وصوته مبحوح الشعب الشعب المعاق والجريح الفلسطيني، بس يبده انه كلها لله "هي لله هي لله"
الخريفة الثانية خريفة "عمالة الاطفال"
بيقلك يا باشا انه في 7% من اطفال غزة بشتغلوا وتاركين المدارس عشان يقدروا يكلوا ويساعدوا اهاليهم، يعني في الاف الاطفال بلا مستقبل، انا رحت ابعكش في الموضوع وعرفت انه زمان كان في اشي اسمه دائرة حماية الطفولة هادي الدائرة كانت بتابع الاطفال وبتساعدهم وبتساعد اهاليهم. هادي الدائرة التغت ليش يا ترى. يمكن لانه وزير العمل ما عنده اطفال؟! يمكن
ما علينا.
هالقيت دور "خريفة المصالحة"
بس يا عمي انا ما بدي احكي بالسياسة، مش عارف الواحد يصدق مين والا مين، كل يوم اجتماعات وقابل وقعد وطلع ونازل وعباس وهنية ومشعل وعزام الاحمد وهلما جرا. وفي الاخر بيقلك المخابرات المصرية والمجلس العسكري. وبعدين جامعة الدول العربية.
يعني طبخة ما حدش عارفلها راس من رجل.
قبل كم يوم كنت بسأل حد كبير في البلد بقله يا عمي ايش القصة بدكمش تريحونا وتتصالحوا، علي الطلاق قرفنا، قلي ما هو انته بتفهمش في السياسة، قلت عارف بس فهمني. قلي ياسيدي في مشكلة وهي انه في ناس بدهاش المصالحة وهاي الناس كبيرة في البلد وعندها مصالحها التجارية والمالية والمناصبية يعني بالله عليك بدك الوزير الفلاني بعد العز والمواكب يرجع يشتغل صحفي مثلا....!!!! ما بنفع 
والا بدك تصير مصالحة والناس تصير تطالب بحقوق ابنائها اللي قتلوا، وفي شغلات ثانية كثير. المهم اخونا المسئول الكبير خلص كلامه وقلي هادي الحكاية مش راح تخلص.
وعلى قصة المصالحة والانقلاب والحسم وزي ما بدكم، في معلومة مهمة عرفتها جديد بقلك انه من 1967 لغاية مجيئى السلطة 1994 اللي قتلوا في سجون الاحتلال الاسرئيلي من التعذيب بشكل مباشر 2 فقط. وفي عهد السلطة كانوا 7 اما في عهد الحكومة الجديدة بإمكانكم تسالوا بتوع حقوق الانسان.
هالقيت بدي احكيلكم خريفة الوكالة بنت الكلب
اسمعوا بقلك الوكالة حولت كل برامج المساعدة اللي من حق الاجئين بغزة الى برامج طوارئ يعني من يوم ورايح ما في موظف وكالة ولا في تعليم ولا صحة ولا مساعدات دورية، الموضوع موسمي حسب ما بدهم، هذا غير حكاية تعريب الوكالة اللي بدهم الدول العربية تصير هي اللي تدفع عشان برامج الوكالة وتصير الوكالة عبارة عن جمعية خيرية. وربنا وحده العالم ايش بكرة راح يعملوا كمان.
قبل اسبوع اعلنت الوكالة عن وجود شوادر نايلن وجلد وقالت للناس اللي الاسبست بتاعهم بنقط مية يجوا يستلموا هي الشوادر. المهم الناس تزاحمت على الشوادر لانه اصلا كل المخيمات اسبستها خربان لانه اله من زمان كثير، بس هاي الشوادر ما وقفت التنقيط في البيوت عارفين ليش لانه في كثير منهم باعوا هاي الشوادر عشان يشتروا خبز.  باعوها لاصحاب سيارات الكيا 2012 اللي مش عارف من وين بجيبوا حقها. يا عمي ما هما صاروا وزراء وهاي السيارات طبعا ما بركبها غير رئيس المؤسسة الخيرية او عضو كبير في حزب او فصيل او حرامي، وتقريبا مش كثير فارقين عن بعض الا في الوصف الوظيفي. ههههههههه. شر البلية ما يضحك
المشكلة في غزة انه في ناس بتقلك يا عمي الناس بخير لما بتشوف المنتجعات السياحية والمولات التجارية زي مول غزة ومول الاندلسية ومنتجع اصداء والشليهات وكريزي ووتر وبتتفاجا انه كلها ملك...!!! انتو عارفين مين....!!
هاي المظاهر بتخلي الناس تفكر انه احنا بخير مع انه واقع غزة صار زي واقع العشوائيات بمصر. قبل كم يوم بحكيلي جاري انه الشباب مش قادرة تتجوز طيب ايش تعمل وحلفلي طلاق انه من اربع سنوات لغاية الان بسدد في تكاليف زواجه وطبعا هو موظف، طيب ايش يعملوا الا مش موظفين ياكلوا خرا.
يعني اليوم ما في شاب بيقدر يتجوز الا اذا كان ابوه وزير او كبير او حرامي او يمكن تاجر حشيش.
وعلى قصة الحشيش بدي احكيلكم خريفة في ناس كثير بتحكي كلام غريب انا نفسي مش عارف حقيقته من كذبه، بس زي ما يبقول المثل ما في دخان من غير نار. هذا يا سيدي بقلك انه الحكومة بتصادر الاترمان والحشيش وبترجع بتبيعه معقول. الله اعلم 
والان مع خريفة الضرائب والمخالفات والقصص.
في سواق بقلي انهم اجبروه انه يشتري فانونس بلاستك مكتنوب عليه تاكسي مع انه مركب واحد عشان يترزقوا، انا ما فهمت وقلتله اشرحلي، قلي يا عمي في تاجر كبير جايب كبشة فوانيس بالملايين عشان يبيعها وهما عاملين هاي خدمة اله وكل شيئ بحسابه حكلي تحكلك.
الضرايب هالايام كثيرة وكل مرة بيكون في ضريبة شكل، الناس بتحتج على الحكومة على قصة التامين وبتقلك انه الحكومة هاي كانت زمان بتقول عن التامين حرام بس لما صارت الفلوس بتروح عجيابهم صارت حلال. وبيقلك يا عمي الدخان طول عمره حرام عند جماعة الحكومة اليوم بياخدوا عليه ضرايب وفوايد. وبقلك يا سيدي انه كل اشي في البلد ركبولوا عدد ومش عارفين بكرة يركبوا عدد لايش ما ظلش غير ياخدوا حق الهواء الي بنتنفسه واللي هو اصلا غير صحي وملوث.
بدي احكيلكم هالقيت خريفة الجوامع
طبعا انتو عارفين انه الجوامع بيوت الله، وانه الها حرمة وقدسية، وربنا امر انه ما ندعو غير الله فيها والا بتصير شرك. بس يا عمي الناس عندنا مش فاهمة هيك كل واحد عامله جامع وبفكر مقر الحزب بتاعه بحط اعلاناته ودعاياته السياسية والحزبية. والمشكلة الاكبر موضوع خطب الجمعة. قبل كم اسبوع اسمعت خطبة في مسجد بحارتنا وكان الشيخ على المنبر بيقول ايها القساميون يا احفاذ رسول الله وبيهتف لحماس وبيقول انه حماس هي خليفة الله في الارض.
ما علينا..
 
الخريفة المهمة بين هاي الخراريف خريفة الامن والامان
مش عارف ايش قصة الظروف الغامضة اللي بتموت فيها الناس او الرصاص الطايش، عن جد ليش ما في حد يوقف هالمهزلة.
ناس بتموت وبنسمع عنها، بش المشكلة بتدور على الاسباب بعد هيك بتلاقي الموضوع تسكر وانتهت قصته. طيب يا عمي حد يقلنا التحقيقات وين بتروح وايش بصير مع الناس واهلهم. ما حدش فاهم حاجة. 
ما علينا...
 
خريفة غزة ورام الله / فتح وحماس
 
يا اخي انا مش فاهم هدول الجماعة كيف بفكروا لما بنكتب سطرين بننتقد فيها سلوك معين الكل بيقلك انت بتستهدف حماس او فتح، المشكلة انه احنا ما بدناش نسب على حد وبدناش نقول يلعن ابو حد، انا شخصيا عايش في غزة وكل اشي شايفه بكتب عنه عادي مش لازم عشان اصير كاتب محايد اقول انه في في رام الله كمان. هاي القصة سخيفة كثير، ولازم يفهموا الطرفين ان لا رام الله ولا غزة الهم الحق في ان يتدخلوا في طريقة كتاباتنا او القضايا اللي بنكتب عنها. 
 
الخريفة الاخيرة خريفة الثورة 
من كم يوم وكثير من الشباب بيقولولي ليش ساكتين ما بدكم تعملوا زي 15 آذار والا عاجبكم الحال، والا مصدقين حماس وفتح، ما انتم عارفين كل واحد بشتغل لمصالحه والشعب ما في حد سأل عنه. الشباب كثير متحمسين انهم يكرروا ثورة 15آذار، انا قلت الهم انا مش عارف لوين البلد رايحة بس واجبنا الاخلاقي والوطني والديني بيفرض علينا ما نظل ساكتين، عشان هيك لازم يكون في ثورة، ثورة من اجل المصالحة والوحدة ، وثورة من اجل محاربة الفساد، وثورة من اجل محاربة البطالة والفقر، ثورة عشان الكرامة وحقوق الانسان، ثورة عشان الاسرى والقدس والتحرير والدولة اللي صارت هي القضايا اخر اهتمام الاحزاب والحكومة.  

قناتنا على التلغرام : https://t.me/kitabat


احمد عرار
 (للدخول لصفحة الكاتب إضغط هنا)

    طباعة   ||   أخبر صديقك عن الموضوع   ||   إضافة تعليق   ||   التاريخ : 2011/12/30



كتابة تعليق لموضوع : خراريف وطن مجروح- الجزء الثاني
الإسم * :
بريدك الالكتروني :
نص التعليق * :
 



حمل تطبيق (كتابات في الميزان) من Google Play



اعلان هام من قبل موقع كتابات في الميزان

البحث :





الكتّاب :

الملفات :

مقالات مهمة :



 إنسانية الإمام السيستاني

 بعد إحراجهم بكشف عصيانها وخيانتهم للشعب: المرجعية الدينية العليا تـُحرج الحكومة بمخالفة كلام المعصومين.. والعاصفة تقترب!!!

 كلام موجه الى العقلاء من ابناء شعبي ( 1 )

 حقيقة الادعياء .. متمرجعون وسفراء

 قراءة في خطبة المرجعية : هل اقترب أَجلُ الحكومةِ الحالية؟!

 خطر البترية على بعض اتباع المرجعية قراءة في تاثيرات الادعياء على اتباع العلماء

 إلى دعاة المرجعية العربية العراقية ..مع كل الاحترام

 مهزلة بيان الصرخي حول سوريا

 قراءة في خطبة الجمعة ( 4 / رمضان/ 1437هـ الموافق 10/6/2016 )

 المؤسسة الدينية بين الواقع والافتراء : سلسلة مقالات للشيخ محمد مهدي الاصفي ردا على حسن الكشميري وكتابيه (جولة في دهاليز مظلمة) و(محنة الهروب من الواقع)

 الى الحميداوي ( لانتوقع منكم غير الفتنة )

 السيستاني .. رسالة مهدوية عاجلة

 من عطاء المرجعية العليا

 قراءة في فتوى الدفاع المقدس وتحصين فكر الأمة

 فتوى السيد السيستاني بالجهاد الكفائي وصداها في الصحافة العالمية

 ما هو رأي أستاذ فقهاء النجف وقم المشرّفتَين السيد الخوئي بمن غصب الخلافة ؟

 مواقف شديدة الحساسية/٢ "بانوراما" الحشد..

أحدث مقالات الكتّاب :


مقالات متنوعة :





 لنشر مقالاتكم يمكنكم مراسلتنا على info@kitabat.info

تم تأسيس الموقع بتاريخ 1/4/2010 © محمد البغدادي 

 لا تتحمل الإدارة مسؤولية ما ينشر في الموقع من الناحيتين القانونية والأخلاقية.

  Designed , Hosted & Programmed By : King 4 Host . Net