أضل طول العمر بذيالك امچلّب

يامركب نجاتك والوكت طوفان
أضل طول العمر بذيالك امچلّب
ياشيبة محمد والضياء البيك
من وحي الرساله البزغ من يثرّب
يالعايش حياتك بين محنه وعوز
لكن بيك هيبه من علي ترهّب
شلت راس الوطن عليته للنجمات
من شفت الوطن من ضيمهه امحدّب
يبو الفتوى الشريفه السترت الأعراض
من داعش تحزم عالوطن محرّب
من كاظم الغيض اشگد خذيت أدوار
تفرش لليبغضك سفرة امعزّب
بغضوك وحچو عنك أشكال ألوان
وعلى اليبغض جنابك أبد مانعتّب
ماريدنه أطگهه بوجه هذا وذاك
أخافن من أصرح بالحچي انخرّب
أمس منبر أميه سب على الكرار
ونفس منبر أميه گام بيك ايسّب
العاداك وعلي شايل حقد مولاي
يكره والكره معذور من يكتّب
يكره هذا حظه أردايت التوفيج
النهج بيت الرساله ما يريد ايحّب
عدوانك أمس من أصدرت فتواك
عليك بكل نذاله گامت اتحزّب
من شافو نصرهه شگ ظلام الكون
على الفكر الشبابي گامت اتچذّب
فكريه الحرب وأنتبهو فتنه أتصير
ملعونه الفتن عالشعب من اتهّب
أحذر نارها نار الفتن تچويك
وعلى الحوزه أبد أقوال لاتنسّب
أتبع مرجعيتك لا يزل ممشاك
وعن نهج المراجع بالك اتغرّب
لا تتبع نهج عدوان اهل البيت
لا تتبع حزب عالوطن متحزّب
تره مرجع الأمه يريد ليك الخير
لا تأخذ فكر بي تگعد اتحسّب
يردونه شتات ونخرب أنا اوياك
وتضل أهل السياسه ابموطني اتسلّب
ماعوفه وعلي الگطع النفس وياه
عراقي وهذا طبعي بلوه من أنحّب
وي سيد علي گاطع عهد للموت
أظل طول العمر بذياله امچلّب

الموضوع السابق ضفائر من الورق المهلهل

قناتنا على التلغرام : https://t.me/kitabat