وهو وينزف بغزارة قال لرفاقهُ اعلم اني مُستشهد وذاهب الى الامام الحسين عليه السلام فوصيتي لكم يا اخوتي هو ان تسألوا عن بناتي وزوجتي حتى ولو كان بالشهر مرة!

🌟 اي نبل هذا الذي جعلك تترك بناتك من اجل ان تحمي بنات غيرك!؟

 

🔴حجي انت شگد عمرك ؟ عمري ٧٨ سنة جا شعندك تقاتل وانت زلمة چبير ؟ والله يا بوية اقاتل لانني اريد انال الشهادة واكون بنفس مكانة ولدي الاثنين !!!! 

🌟اي شيبه مقدسة هذه واي ايمان راسخ يا شيخ؟!!

 

🔴تنفس علاوي هسا دقايق ونوصلك للمستشفى؟ يبتسم علاوي ويقول لهم ادري اني رايح وي الامام الحسين چا اني اعليمن جاي اقاتل ؟ ويبتسم ابتسامة كُلها طمأنية وحب !! ويُوصيهم ان لا تخذلوا الامام الحسين !؟

🌟كم هو قريب منك الامام الحسين اذن؟! اذا لم يكن راسك اصلا بحضنه ؟!

 

🔴حجي شلونها معنوياتك !؟ تمام والحمد الله ! شگد صارلك ما نازل للبيت ؟ والله عمي من زمان ما نازل وفجأة ارخى عيونه للدمع ! ها حجي ليش تبچي ؟والله عمي ابچي لان ابني الچبير استشهد وجثته لسا بأرض المعركة وابني الزغير صارلي شهرين ما شايفه لانه يقاتل بقاطع تكريت ويختم حديثه والله لن تسبى زينب مرتين ! 

🌟حينها ايقنت ان هذا الرجل هو حبيب ابن مظاهر الاسدي!

 

🔴مقاتل بريعان الشباب يسألهُ الاعلامي شنو قصة هذا القفل؟ يخجل ويتلعثم ويقول له قصة خاصة !فيعرف بعدها انه هدية🌷 من حبيبته فيقول له ضياء ان شاء الله ترجع منتصر وتتزوجها ويصير عندك اطفال واما النصر او......؟ فيرد عليه الشاب او الشهادة ! فيقول له لا اما النصر او النصر ! فيقول له اي اما النصر او النصر او الشهادة!

🌟الا يستحق ان تُكتب بحقه رواية قصة حب رافضية!