• القسم الرئيسي : ثقافات .
• القسم الفرعي : ثقافات .
• الموضوع : حلو من نذكر الزينات بالناس .
• الكاتب : عباس طريم .
حلو من نذكر الزينات بالناس
|
|
حلو من نذكر الزينات , بالناس
كلام الزين وسط الكلب
يحتل
+
وحلو من يملك الانسان , احساس
يحاسب بي ضميره ويمنعه
ايزل
+
وحلو , لما يكون ابين جلاس
وكلامه ايكون ما قل
وما دل
+
وحلو , لو جان عنده العدل مقياس
ميزان العدل ما يوم
يختل
+
ما ينسه الاخوه , العنده نوماس
ولا صاحب امروه ايعادي
الخل
+
اهل القال .. معروفين انجاس
اتكول السانهم , بالثرم
منجل
+
النميمه الهه جذور- ن فارعه اوساس
ورجال الهه صناديد - ن
متنذل
+
حسد بكلوبهم , اسود اوهواس
وكثير امن الحسد بالناس
يقتل
+
الكل شينه الطفت عالسطح اجراس
وابواق شيمر عالبال
تنقل
+
يتوخه الحذر , عاقل اذا داس
كاع وبيهه ماي , ايحاذر
الزل
+
صدك من كال : هاي الناس اجناس
بيهه الم رفيف العين
يخجل
+
وبيهه الصلف , ولما يملك احساس
اذا وجهته بالمعروف
يزعل
+
كل هذه اليصير , ابسبب افلاس
يصيب الشخص ويخليه
مختل
+
يألف عن ذنوب الناس , كراس
وعن زيناتهم ما يوم
يسأل
+
الحياة , ابلا نفاق ودجل , كالماس
جمال وخلق , ومن النبل
انبل
+
قيم بيهه , وتسامح يرفع الراس
واول قيمه , بيهه الخلق
يحتل
+
تدرع , والصبر خليه متراس
ياكلبي وصعب الصعب
يسهل |
|
|
• المصدر : http://www.kitabat.info/subject.php?id=75645
• تاريخ إضافة الموضوع : 2016 / 03 / 11
• تاريخ الطباعة : 2024 / 04 / 20