• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : يليث الغاضريّه .
                          • الكاتب : سعيد الفتلاوي .

يليث الغاضريّه

يليث الغاضريّه وِبِن حامي الحميّه
.
سِبَوها  الزينب  الحرّه الاميره
عُگُب عينك يين فخر العشيره
.
يليث الغاضريّه وِبِن حامي الحميّه
.
.........................
.
الخِيَم حرگوها بخْلافك يبو النوماس – وِلِعيال نْوِلت وِتْنادي يا عباس
.
العقيله وْ سكنه والايتام – بْسهام النار والاجرام
رموهم زمرة الظلّام – مصاب الصار ما مثله وْ نظيره
.
يليث الغاضريّه وِبِن حامي الحميّه
.
........
.
العقيله بْليلة الوحشه دمعها دْموم – صَعب وصفه عليها اللي جره بْهاليوم
.
بده الهمّ وْ ليالي السود – منو الالها يراعي الجود
الزمن ريته يِرِدّ رْدود – تِجي الخدرك يبو الغيره هوْ تِجيره
.
يليث الغاضريّه وِبِن حامي الحميّه
.
..........
.
مآسي شْكثر بعد الجره بْعاشور – ابد ما تنحصي وْتنعد عذاب وْجور 
.
عزيزة حيدر الكرار – الخِطَبها تشهد الامصار
وحگّك ذلّتِ الاشرار – ابن مرجانه والطاغي اميره
.
يليث الغاضريّه وِبِن حامي الحميّه
.
.........
.
صَبر زينب صبر لا ما تِحِمله جْبال – مده الازمان للعالَم صبرها مْثال
.
عظيمه اختك يبو الكلفات – مُصايب حِملَتِ وْآهات
گلبها نْصاب باللوعات – حسافه وْحيف بت حيدر اسيره
.
يليث الغاضريّه وِبِن حامي الحميّه
.
.........
مْن اراضي الغاضريّه الحد بلاد الشام – محن شافت اخيتك هيّ والايتام
.
عذابات وْ قهر الوان – الظعن فرّوه عالبلدان
وْسِياط الجور عالابدان – رقيّه ماتتِ بْهاي المسيره
.
يليث الغاضريّه وِبِن حامي الحميّه



  • المصدر : http://www.kitabat.info/subject.php?id=69318
  • تاريخ إضافة الموضوع : 2015 / 10 / 29
  • تاريخ الطباعة : 2020 / 10 / 24