علي الحاضر علي بْكل كلفه يِكفينَه

.

نعم حبّه الوصي هوَّ الْيِنجّينه

علي بْيوم الحشر سدنه اللي يحمينه

.

وْعلي لو ما علي ما ظل ذكر للدين

وليّ الله . علي. بْروحه افتده الدينه

.

علي حجّة اله الكون بارينه

علي بْامر الاله تْنصّب عْلينه

.

كِتبناله العهد بالدم نِضحّيله

ابد منعوفه لا والله حادينه

.

علي بْنص الگلب اسمه نْطبع رسمه

ابو الحسنين . ساقي . الحوض والينه

.

ولينه عْله البشر ربنه الفرض حبّه

لأن نفس . النبي . السلطان هادينه

.

وريث المصطفى بالدين وعْلومه

علوم الكون عنده اسرار تكوينه

.

علي الحق والعدل ميزان هالامّه

يحل كل معضله وْ عدله نهج لينه

.

علي .. الردّ .. الشمس من اَشّرِ عْليها

علي اعجاز وْ صعب نحصي عناوينه