• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : علي بْكل كلفه يكفينه .
                          • الكاتب : سعيد الفتلاوي .

علي بْكل كلفه يكفينه

 نحب . حيدر .. علي وْ نتحدّه  عادين
علي الحاضر علي بْكل كلفه يكفينه
.
نعم .. حبّه . . الوصي .. هوَّ .. الْيِنجّينه
علي بْيوم الحشر سدنه اللي يحمينه
.
وْعلي لو ما علي ما ظل ذكر للدين
وليّ الله علي بْروحه.. افتده الدينه
.
علي  حجّة  اله الكون  بارينه
علي بْامر الاله تْنصّب عْلينه
.
كِتبناله العهد بالدم نِضحّيله
ابد منعوفه لا والله .. حادينه
.
علي بْنص الگلب اسمه نْطبع رسمه
ابو الحسنين ساقي الحوض والينه
.
ولينه عْله البشر ربنه الفرض حبّه
لأن نفس النبي السالطان هادينه
.
وريث المصطفى بالدين وعْلومه
علوم الكون عنده اسرار تكوينه
.
علي الحق والعدل ميزان هالامّه
يحل كل معضله وْ عدله نهج لينه
.
علي الرد الشمس من اَشّرِ عْليها
علي اعجاز وْ صعب نحصي عناوينه




  • المصدر : http://www.kitabat.info/subject.php?id=63870
  • تاريخ إضافة الموضوع : 2015 / 07 / 02
  • تاريخ الطباعة : 2024 / 03 / 29