• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : مهدي الامم .
                          • الكاتب : سعيد الفتلاوي .

مهدي الامم

.بْلوعه وْ الم اشكيلك الاحزان
يبن الحسن يا حجّة الرحمن
.
انت الفرج بيك اعتقد مولاي
جور وْظلم كلها اصبحت دنياي
.
بْهذا الزمن چثرو تره الايتام
بْفعل العصابه التدّعي الاسلام
.
منهم براءه الدين والمعبود
الحكم الدعي يردو يرد رْدود
.
اهل البدع وابلا شرع يفتون
وْبلسان ابو سفيان من يحچون
.
صار القتل كل همهم الانذال
من هالظلم ما سلمت الاطفال
.
ضاع الامن وتْذبّحت هالناس
وبْيا ذنب ذبحوهم الانجاس
.
وشْما كتبت اشعار بيها احتار
عدنه المآسي هواي شرد اختار
.
آنه اعتذر لو قصّر التعبير
عندك علم باللي جره ويْصير
.
وْعينك تشوف الجور يالمعصوم
واتشاهد الظلام والمظلوم
.
انت الامل يالمنتظر ننخاك
عجّل يبن حامي الحمه افديناك
.
قيم العدل يالوالي منتظريك
يا وارث الاطهار نفخر بيك
.
بْسيفك يبو صالح تزيح الجور
ردّ الامان ادركنه يالمنصور
.
دولة علي بِاذن الله بيك تْعود
مهدي الامم يا يو الكرم والجود
.




  • المصدر : http://www.kitabat.info/subject.php?id=55560
  • تاريخ إضافة الموضوع : 2014 / 12 / 27
  • تاريخ الطباعة : 2024 / 03 / 28