• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : نوح عالمسموم .
                          • الكاتب : سعيد الفتلاوي .

نوح عالمسموم

بالزكي المظلوم عزّي الطاهره

وْنوح عالمسموم واسي حيدره
.
.
..............
.
عالحسن هاليوم خل يجري الدمع – وبِمْصابه الكون كلّه منفجع

يْنوح عالمسموم وايات الشفع – وْيلعنِ الزمره الخبيثه الكافره
.
...............
.
واسي طه المصطفى خير البشر – والامام المهدي عزنه المنتظر

جَدّدِ الاحزان سابع من صفر – مْصاب سبط الهادي اِبن الصابره
.
..............
.
عزّي ابو الاحرار بمصاب الزكي – اليوم واسي حسين بالبدر النقي

وْصيح ما ننساه يومك يالولي - لا وحق دمّ الحسين وْ منحره
.
..............
.
زينب بْهاليوم تنعه اعله الحسن - بالغدر سمّوه ارباب الفتن

حيف مات الليث مسموم البدن – سمِّته جعده بْمكيده غادره
.
..............
.
نوح عالنعش الطهور اللي انظلم – سْهام مصيوب النعش سهم بْسهم

بْدار جدّه يندفِن نعشه انحرَم – دين يا شيعي الجريمه المنكره
.
..............
.
زور گبر المجتبى وْ شوف الحقد – هناك باسمه ما يخلّونك ترد

كافرِ يْسمونه بيه اليعتقد - والبقيع اليوم ارضه مْيسّره




  • المصدر : http://www.kitabat.info/subject.php?id=54286
  • تاريخ إضافة الموضوع : 2014 / 11 / 26
  • تاريخ الطباعة : 2024 / 03 / 29