• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : تاج تاج على الراس سيد علي السستاني .
                          • الكاتب : زيد السيلاوي .

تاج تاج على الراس سيد علي السستاني

 راح ابقة اردد كل وكت هالصرخة يامحـــــلاهه
صرخة وفة ومن ضامري وكل الفلك نــــــاداهه
صرخة ولابو محمد رضا صرخة بكبر معــناهه
من روحي من نبع الگلب للعالم الربـــــــــــــاني
******
صرخة محبة وعن عشگ هالصرخة ارتل بيها
صرخة باسم سيد علي لســــــــــــيد علي اهديها
صرخة واريدن كل محب عاشگ يظل يتلــــيها
لأغله البشر للمنطبع اسمـــــــــه بوسط وجداني
******
والمقطع الثاني

علي شكبرة علي وداعت علي اهواك
وافرح حيل اذا ينجـــــــاب طرواك
يــــــــــــالعايش بعيني وساحر العين
وحگ حسنك يرد الروح ملگـــــاك
الي ويـــــــــــاك ذكره اتعادل الكون
من شرفني اللــــه وبست يمنــــــاك
وعيت عله الوكت شفتك شمس بيــه
حطيتـــــــــك بگلبي من الوكت ذاك
انه طوع امرك وما خالفت يــــــــوم
وحگ اللي وتد بالگــــــــــاع خلاك
كون اتريد علموت اسحگ المـــوت
وانه عهدي اخطه بدمي ويــــــــــاك
يــــــــــــــاهيبة المذهب كلنة واللــه
عل هامات تاج بفخر شلنـــــــــــــاك
دايم يل وجودك عــــــــــــــزة للدين
يـــــــــــــــاسيد علي چا تهنه لولاك

والمقطع الثالث

يـاهمس الورد باذن الفراشـات يارمز الترافه بعين الطيــــــــــور
يانغم المسره ولحـن الافـــراح يا شعر وقوافي وملحمـــــة نـــور
ياطيف الامل بـــاذهان ألآلآف يالشخصك وطن واچفوفك السـور
ياعشگ الضمايرموش الگلوب يادر ودرر عالكون منثـــــــــــور
يالاسمك حرز من كل الاوهام ياحارس المذهب من طغه الجــور
ياسيدعلي السستـــــاني لولاك چاكل ذكرماعاد النه مــــــــــذكور
الله الحارسك يـــــاشمعة الدين وبعون الاله العالي منصــــــــــور




  • المصدر : http://www.kitabat.info/subject.php?id=52272
  • تاريخ إضافة الموضوع : 2014 / 10 / 14
  • تاريخ الطباعة : 2024 / 03 / 28