• القسم الرئيسي : ثقافات .
• القسم الفرعي : ثقافات .
• الموضوع : علي بْكل كلفه يكفينه .
• الكاتب : سعيد الفتلاوي .
علي بْكل كلفه يكفينه
|
|
نحب حيدر علي وْ نتحدّه عادينه
علي الحاضر علي بْكل كلفه يكفينه
نعم حبّه الوصي هوَّ الْيِنجّينه
علي بْيوم الحشر سدنه اللي يحمينه
وْعلي لو ما علي ما ظل ذكر للدين
وليّ الله علي بْروحه افتده الدينه
علي حجّة اله الكون بارينه
علي بْامر الاله اتنصب اعلينه
كتبناله العهد بالدم نضحّيله
ابد منعوفه لا والله نادينه
علي بْنص الگلب اسمه انطبع رسمه
ابو الحسنين ساقي الحوض والينه
ولينه اعله البشر ربنه الفرض حبّه
لان نفس النبي السالطان هادينه
وريث المصطفى بالدين وعْلومه
علوم الكون عنده اسرار تكوينه
علي الحق والعدل ميزان هالامّه
يحل كل معضله وْ عدله نهج لينه
علي الرد الشمس من اشّر اعليها
علي اعجاز وْ صعب نحصي عناوينه
|
|
|
• المصدر : http://www.kitabat.info/subject.php?id=52182
• تاريخ إضافة الموضوع : 2014 / 10 / 12
• تاريخ الطباعة : 2024 / 04 / 19