• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : اكتب واشهد ياتاريخ .
                          • الكاتب : فلاح السعدي .

اكتب واشهد ياتاريخ

اكتب واشهد ياتاريخ

كل العالم بارضي اتنعّم

وانا أبحث عن ارض ابلادي

ابحث عن وطن الخيرات

كالوا ابحث سافر وابحث

وطنك سافرللمريخ

وطنى سافر هاجر اهله...!؟

متعجب يا وطني منك

لكن ممكن... وممكن تهجر

وممكن تنسانا وننساك

بس ما ننسى أنك منا

وما ننسى نفديك ابدمنا

وما ننسى وكافاتك النا

ابيوم الشدة اويوم المحنة

وما ننسى إنك تاريخ

وما ننسى انك ياوطنى

دم... اوتمشي بالشريان

وخل يخسا البايع كل أهله

وخل يخسا البايع الاوطان

لأن البايع بايع نفسه

وناكر كل وصف الاحسان

ايدك يا وطني الربتنا

لا منعضها بالاسنان

ميعضها بس الناكرها

وناكر نفسه ومو إنسان

ياوطني احنا انت وانت

انحبك حب من الايمان

ميسافر وطني وما اصدك

بس لعبت بيه الازلام

نكباتك ياوطنى اهواية

وعدوانك كلهم ظلاّم

نحتاج أن نتكاف ايد

أيد بأيد وفرد احزام

ونطرد كل واحد يظلمنا

وما يرحمنا وما يخدمنا

نتكاتف بعراق الأمة

ونكتب للأمة تاريخ

أرضك جنة اوننعم بيها

وما نحتاج ارض المريخ

وما نحتاج ارض المريخ


كافة التعليقات (عدد : 1)


• (1) - كتب : عبدالصمد السويلم من : العراق ، بعنوان : من وحي المجموعة الشمسية في 2011/04/08 .

السلام عليكم
خويه بعد اخوك لاتكلف روحك واتزاحمهه
خويه مو تروح للمريخ اتجيب مي ترى طاكة المجاري عدهم وما كو ماي
مو تروح للمريخ خلنا بالعراق ناكل ركي وبطيخ
بس تروح تنضرب طاخ طيخ






  • المصدر : http://www.kitabat.info/subject.php?id=4657
  • تاريخ إضافة الموضوع : 2011 / 04 / 04
  • تاريخ الطباعة : 2019 / 08 / 24