يا صاحبي  با لله بدموع سجل  ذكرى لعل الزين يذكر صويبه

ما حيلت المشتاق مافيه يقدريرحل ويتناسى ليالي حبيبه

وان مالقيت اللي بقلبي تعطر صفوي تكدر والليالي كئيبة 

يازين ما فينا نكابر ونغتر الحب ما هو خوض رحلة غريبه 

الحب صدق احساس جوهر ومنظر وان سار خلك يوم تذهب طريقة

إن قلت لك همي بلقياك يكثر بالله لو ترحل فقلبي تسيبه

يالله تهدي من عصا الحق وادبر من قبل يتكسر ويلقى مصيبه 

الناس تتعبد ولله تسهر وانا مع الاحزان ارسم بريقه 

ماشي على درب الهوى لين نحشر اهواه واتذكر محاليل ريقه 

ان صابني حبه بداء ليس يذكر راضي واتشكر لربي يجيبه 

وان قال عذال الهوى ليه تكفر ما هو بكيفه من يبيعه حبيبه 

يشطح ويتلاعب ولا يوم يستر وان مات ما يعرف عنه لو قريبه

مجهول في وسط البرايا ومقتر ما يهتني لو مال قارون جيبه 

ما في ا مل لو طرت عالي ومنزل ما دمت لا تقدر ولو تشتكي به

طبع الهوى اثنين ما فيه اكثر والا تعثر وانتحر من يصيبه 

وإذا تدخل يوم حاسد ومفتر الكل يدمر ويخسر حبيبه