رافضيه وْ ما نطيع اهل السقيفه

 

لا ولي الا علي – هذا عهد مْن النبي

 

گال من بعدي علي هوّه الخليفه

 

.................

 

وصي الهادي الامين اعظم صفاته – نذر عمره وْ فده الدين بْحياته

 

علي بْسيفه انتهه الشرك وْ ولاته – علي الحق والعدل ابرز سماته

 

يا رجال التحمل اوصافه الولينه – يالتكفّرنه وْ ظلم تهجم علينه

 

يا عقيده وْ يا شرع – نهجك المن متّبع

 

صار لابليس اللعين اسمك وصيفه

 

.................

 

روافض لليخالفنه العقيده – رفضنه اهل البدع واهل المكيده

 

النكر حق الولي احنه ما نريده – كلام هْوايه گلنه وْ ما نعيده

 

يالتدافع عالحرگ بيت الزچيه – والسلب حق الخلافه ابن الدعيه

 

ناصبي وْ كلّك فتن – يْلعنك الله والزمن

 

يالتشن حربك عله العتره الشريفه

 

.................

 

نِطيع اللي حمه الدين وْ نتبعه – الامين اللي ابد ما خان ربعه

 

الحليم الماغضب والحكمه طبعه – تبع سنّة نبيّه وْ صان شرعه

 

ما رفع سيفه عله الخانو نبيهم – عنده عهد وْ يالنبي يصبر عليهم

 

هذي حجّه عالغِدَر – عاللي بايع والنكر

 

الخان عهده بالغدير وْ شال سيفه

 

.................

 

ثبتنه عْله الولايه وْ ما تهمنه – فتاوي اهل الكفر قوّت عزمنه

 

ضحايه شْگد فدينه وْ دم نزفنه – لجل راية علي نفدي عمرنه

 

نْعيش احرار وْ نِموت عْله الولايه – هاي صرختنه تظل حتّه النهايه

 

نبقه نهتف للابد – باسم ابو اليّمه عهد

 

نفدي الارواح الولينه وْ ما نعيفه

 

.................

 

نِعيش احرار ما نرضه بْمذلّه – نهجكم يا نواصب ما نقبله

 

بنهج حيدر علي نمشي وْ نِكمله – طريق الحق طريقه وْما نهمله

 

ويّه ابو الحسنين ماشين عْله دربه – هذا عهد وْ يالولي بالدم نكتبه

 

نْوالي حمّاي الحمه – رايته بْعلو السمه

 

ما نوالي اللي ابتدع ذيچ الصحيفه