• الموقع : كتابات في الميزان .
        • القسم الرئيسي : المقالات .
              • القسم الفرعي : المقالات .
                    • الموضوع : الورد الي فتح في جناين مصر .
                          • الكاتب : مؤيد جمعه إسماعيل الريماوي .

الورد الي فتح في جناين مصر

لعيونك يا مصر يا صبره....
ياشمس الصبا إنت ياخضره....
حتفضلي ورب السما حره....
وحيات شبابك....
حسين وسالي ومصطفى...
ودماهم الطهره.....
والورد الي فتح في جناين مصر...
في وجه الظالم انت يا قهره...
قالوا كتير عنك....
ومؤمره بعد مؤمره...
قالوا الشباب يمل...
قالوا غيوم عابره....
وعيون شبابك يا بهية...
على البلاد سهره...
والملايين في الميادين...
إسكندرية و جيزه وشبره....
...............................
شباب تنادي بالخلاص....
وياها ملايين الناس...
تنام على صوت الرصاص....
وملايكة من السما حراس....
تحرس شبابك يا عصيه....
................................
حاربوكي بالسلاح....
و قالوا عن شبابك سوسه....
والملايين من ولادك...
أغراب ومدسوسه....
وانتي الي عرفه يا حبيبتي...
انتي يا محروسه....
حنفضل في أرضنا أغراب...
والكلمة محبوسه....
انتي تموتي جوع....
والخزنه متروسه...
..................................
احنا حنفضل في الميادين....
على ظلمكم.....
على قهركم صبرين...
ومهما عملتوا احنا جهزين...
مش نتراجع مش خيفين....
مترهنوش علينا كتير...
احنا حنفضل لو لسنين...
ودم الشهادا مش حيضيع...
محمد أحمد وحسين....
دين بروحك يا فرعون...
يجي اليوم وترد الدين....
واحنا حنفضل شهدين....
.................................
بقلم الشاعر والأديب الفلسطيني
مؤيد جمعه إسماعيل الريماوي

rimawi1986@hotmail.com
www.muyud2005.jeeran.com




  • المصدر : http://www.kitabat.info/subject.php?id=3263
  • تاريخ إضافة الموضوع : 2011 / 02 / 12
  • تاريخ الطباعة : 2019 / 07 / 15