• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : ون يگلبي .
                          • الكاتب : سعيد الفتلاوي .

ون يگلبي

ون يگلبي وِنْعه ضيم احزانها
بت ولينه الودعت خوانها
 
 
...................
 
ياصبر صبرچ يبت روح النبي – ياجبل بالموزمه عالي وْ ابي
 
مالواچ الضيم ماهمچ سبي – والمصايب شفتي كل الوانها
 
...................
 
وبوداع حسين ودعتي الاهل- نور من طه النبي وْ خيرالعمل
 
هالمصاب الصار حزنه وْ يالازل – كل تَعِزْيه حسين ظل عنوانها
 
...................
 
ياغريبة كربله عگب الجره – لا بوفاضل يمّچ وْلا حيدره
 
كل اخوتچ يالعقيله مْوذره – والطفوف التشهد وْ ميدانها
 
...................
 
 
والمصاب البيچ مولاتي كلف – ماتحمله ارجال والكل يعترف
 
مو جبل صبرچ ابد ماينوصف – يالعقيله انتي فخر عدنانها
 
...................
 
ماعرفتي الذله ومْصابچ صعب – من خطبتي اهناك بديار الغرب
 
چن منادي يْصيح من اعله السحب – بت امين الكون حي صيوانها
 
...................
 
من رجعتي للمدينه بْيا حزن – والگلب مصيوب يم جدّچ يون
 
عالفجيعه الصارت وْ نار المحن – والشباب الگطعو ابدانها



  • المصدر : http://www.kitabat.info/subject.php?id=31559
  • تاريخ إضافة الموضوع : 2013 / 05 / 26
  • تاريخ الطباعة : 2024 / 03 / 28