بالسنابك داسوا ضــــــلوع الحسين

ورفعوا الرأس الشريف أعله السنان

ظنهم الثورة انتهت فـــــــي كربلاء

وبعد ماكو حسين مــــا نسمع أذان

*****

ذولة غلطانين ما مــــــــــات الحسين

الحسين أنـــــــزرع بذرة بكربلاء

لئن يحمل معجزة وتــــــــاج الرسول

ويحمل أيمان البشر كله وإبــــــاء

بثورة المظلوم هـــــــــل الدين استقام

وثبت بدمه الشريعة بكــــــل وفاء

أذن ديــــــــن الله انتهى بلاية الحسين

وانتهى الإسلام مـــن ذاك الزمان

*****

خلي فكرك يأخذ أدروس وعـــــــــبر

عن مآثر كربله وشوف اللي صار

وحده منهن مــــــــن أجه أيحز الشمر

راس أبــو السجاد وبنوره استنار

لئن دين الله أنجمع صـــــــار الحسين

والحسين بنوره للعالم منـــــــــار

إذن نور الشمس مــــــن نور الحسين

وبالطبع من نوره مخلوقة الجنان

*****

خلي نفرض مـــــــــاكو ثوره ولاقتال

ولاسبوه زينب ولا ذبحوه رضيع

وخلي نفرض ما أجه حسين الطفو ف

ولاخيم حركوله واطفاله تضـــيع

وخلي نفرض جربته مليانه مــــــــاي

وما تعنه العلكمي وجفه كطـــــيع

إذن هل الدنيا أصبحت بــــــس ليزيد

وردت أصنام الجهالة بكل مكــان

*****

لليكول حسين مـــــــــات وظل يزيد

شوف كبر الطاغي وي كبر الشهيد

تنزل الأملاك يم كبره تطــــــــــوف

وبس خزي ولعنات كبرك يــا يزيد

أتجبرت واتفرعنت ضــــــد الحسين

وانته تدري بسوء عاقبتك أكــــــيد

أذن جاهل من نكر حـــــــق الحسين

وحب أمامي حسين بالمحشر أمـان

*****

خلي يجي نيوتن يشــــوف بكربلاء

دم رضيع حسين مـــــــــا خر وكع

لئن دمه السال مـــــــن منحر شهيد

ودم شهيد الله بالقـــــــــــدره ارتفع

هاي اكبر معجزه أتحير العقـــــول

لئن قانون الجذب بـــــــــــي ما نفع

إذن دم الطفل هــــز عرش السماء

وهز عرش كل طاغي زنديق وجبان