• القسم الرئيسي : ثقافات .
• القسم الفرعي : ثقافات .
• الموضوع : حـمـد .
• الكاتب : حامد گعيد الجبوري .
حـمـد
|
|
مهداة لشيوعي العراق
يبن الليالي السود
الطلكَن ، جابن الغبشه
حمد عكد (البيات)1..أيفوح
من طيب الوطن رشَه
بصفوف الوطن أول
وهويته جانت المنجـَل....
يزرع رازقي وقداح
ويّباري بالكلب هرشه
أبيمينه هيبة الجاكوج
يدك التخت للعريس...
وللظالم ،...نجر نعشه
حمد ، مينام ليل الظيم
ويكرم للوطن فرشه
حمد...
لادنك ولاذل ...
ولاكال الدرب وحشه
يحب الناس وتحبه...
وبكلوب الشعب عرشَه
بيه سايه حَمد ....
والسايه ظلت بيه
شما يكبر حمد....
بيه تكبر اللولـَه
حب الطيب ....
حب الخير..
حب الناس...
وحُب الوطن بيه سوله
حمد جرحه جبير ، أجبير
على طول الوطن طوله
من تغفه الشمس (حمدان)
يحط أبكلبه مكواره
(عين الذيب عيب أتنام)
يظل أيناطر الجاره
عينه عالسلـف ، لوجاع
يوكـّل زنده خطاره ..
حمد محله السوالف ...
تضحك أبحلكه
لا سده المضيفه ولاطفت ناره
حمد ثارات أله أشكابين
ويسامِح ماطلب ثاره
ديوانه بخيت ويحشِم الزاره
حمد حب الوطن
حد العَظُم عشكَه
وكلبَه للوطن شده
أشكد حب الوطن ، حبه
وسلّملَه الوطن رايه
وبيده شايل الورده
طش الورد فوك الراس...
وعلك رايته بخده
*****
1 البيات / زقاق في محلة الوردية بمحافظة بابل
عين الذيب عيب تنام / شطر من قصيدة للرمز العراقي مظفر النواب
|
|
|
• المصدر : http://www.kitabat.info/subject.php?id=1819
• تاريخ إضافة الموضوع : 2010 / 12 / 14
• تاريخ الطباعة : 2024 / 04 / 19