ظليت انشد للزمن شفت الزمن غدار

يومية نصبح الصبح ونمسي بصوت الانفجار

وتشهد بغداد والبصرة والموصل ام الربيعين

وديالى وبابل والنجف مدينة ابو الحسنين

تشب النار وتملي ضحايا بكل المحافظات

ونشوف الدماء صارت تجري مثل دجلة والفرات

ونصيح بعالي الصوت المن نشكي همنا ونكول

اليجري بينا ما يرضي الله ولا الرسول

بلدنا بلد واحد وما نقبل بالتفرفة الشنيعة

اخوان نبقى لا ابد ايد وحدة سنة وشيعة

صدقوني رسالتنا تمحي كل الارهاب

ومكتوبة من سنين وثابتة بكل كتاب

و باقي صوتنا يصيح وين اهل الحمية