• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : هوسات بحق الامام علي ابن ابي طالب عليه السلام .
                          • الكاتب : سعيد الفتلاوي .

هوسات بحق الامام علي ابن ابي طالب عليه السلام

نبايعه نبايعه هوَّ الولي
ابو الحسنين يانعم الولي
انت اساس الدين والاولّي
_ ياأوّل مؤمن باسلامه _
,,,,,,,,,,,,,,,,,
يامن ضرب مرحب ونصِّفه
ويامن ادّب اميّه وكفكفه
منو بالحومه يكدر يوكّفه
_ سيف الاسلام وبتّاره _
,,,,,,,,,,,,,,,,,
رفع ايده النبي وكال
هذا منّي خسران الّي عنَّه مال
علي من بعدي بايع تعال
_ نبايع والله نبايع بسمك ياكرار _
,,,,,,,,,,,,,,,,,
بايعناك ياحيدر والبايعك نال الدار
ياسِرّ الاله وسيفه البتّار
فاز البايعك بالحشر مايحتار
_ بيوم المحشر صوته ينادينه _
,,,,,,,,,,,,,,,,,
ياراعي الايتام وكافل يتمه
ابو الايتام للنعمه يتمه
كافي اليتامى للعايزه تمه
_ راعي الايتام وكافيهَ _
,,,,,,,,,,,,,,,,,
يحامي الجار الوصف بيك احتار
وينه الصاح ناده حيدر الكرار
رتك ياعلي تحميلي هاي الدار
_ والي الشيعه وحاميهَ _
,,,,,,,,,,,,,,,,,
يانفس النبي هوَّ النبي كال
شعدْهَ النواصب ويْ علي والآل
مانتغير ونبقى على هالحال
_ نموت ومانترك بيعة والينه _
,,,,,,,,,,,,,,,,,
بمناسبة عيد الاضحى المبارك
وعيد الغدير

,,,,,,,,,,,,,,,,,,,,,,,,,,,,,,
وينك يالصحت هل من مبارز
ولك المن تريد انت تبارز
هذا الماتوگـف بوجهَ مفارز
منهو يواجه حيدر ويبارز
,,,,,,,,,,,,,,,,,,,,,,,,,,,,,,,,,,,,,,,,,
بدر وحنين تشهد لبو الحسنين
ياسرّ الرسالة وناصر الهالدين
منو مثلك سيدي انجب ميامين
حيدر اسمه يهزّ الكون
,,,,,,,,,,,,,,,,,,,,,,,,,,,,,,,,,,,,,,,,,
هلا بعيدك ياعلي يوم الغدير
ندري بيعتك جنّة اغادير
كلنه نهتف للولي فدوى نصير
دوم البيعة للكرار
,,,,,,,,,,,,,,,,,,,,,,,,,,,,,,,,,,,,,,,,,
خادم اهل البيت ع
سعيد الفتلاوي الطويرجاوي




  • المصدر : http://www.kitabat.info/subject.php?id=11147
  • تاريخ إضافة الموضوع : 2011 / 11 / 09
  • تاريخ الطباعة : 2024 / 03 / 28